2014-imi Jehovap Nalunaa­jaasuisa Siulersui­soqatigiivi im­mik­kut suliniutigineqar­tus­samik aal­lar­niip­put, tas­sa Europap Amerikal­lu avan­nar­pasis­sor­taan­niit­tunut Biibili pil­lugu nalunaajaanis­samik sulinium­mik. (Apustilit Suliaat 1:8) Pilersaaru­tigineqar­poq Alaskami (USA), Saamit Nunaan­ni (Finlandi), Nunavut-mi Northwest Territories-imilu (Canada) sumiif­fiit aalajangersimasut im­mik­kut suliniarfius­sasut.

Jehovap Nalunaajaasui ukiuni qulik­kuutaani sumiif­fin­nut taak­kunun­nga oqaluus­siar­tor­tarsimap­put. Sumiif­fiil­li or­nitatik sivikitsuin­narmik najor­taramik­kit amerlaner­tigut atuak­kanik atuagas­sianil­lu Biibililersaarutinik agguaanis­sar­tik kisiat pif­fis­saqarfigisar­paat.

Im­mik­kut suliniuteqar­toqar­nerani pif­fis­saq tamaat kif­far­tor­tut (pionerit) im­mik­koor­tor­taqarfin­nit Jehovap Nalunaajaasuisa avan­nar­pasis­sumi suliaan­nik nak­kutil­liisunit sumiif­fin­ni aalajangersimasuni sivikin­ner­paamik qaam­matini pingasuni kif­far­tor­nis­samut qaaq­quneqar­put. Biibilimik atuaq­qis­saar­nis­samik soqutigin­nit­tor­paaloqar­pat sivisunerusumik or­nik­kamin­niis­sin­naap­put al­laal­lu ataatsimiititsisin­naal­lutik.

Soorunami avan­nar­pasis­sumi im­mik­kut it­tunik unam­miniar­nar­toqar­tar­poq. Pionerit Barrowimut Alaskamiit­tumut aal­lar­tin­neqar­tut marluk USA-meersuup­put, aap­paa Califor­niap kujasin­nerusor­taaneersuul­luni, aap­paa Georgiameersuul­luni. Barrowimi ukiorsioq­qaarmata 38 gradinik celsiusinik is­sit­tar­poq! Tikin­nermin­nil­li qaam­matialuit qaangiutiin­nar­tut il­loqarfim­mi tas­sani angerlarsimaf­fiit 95 procentii kasut­torfigereer­paat sisamanil­lu Biibilimik atuaq­qis­saaqateqar­talersimal­lutik. Angut inuusut­toq Johnimik atilik atuaq­qis­saar­talersut ilagaat. Taan­na ar­naatinilu atuak­kamik Biibilimi sor­piaat ajoqersuu­tigineqar­pat?-mik atuaq­qis­saar­tar­put, Johnil­lu ilik­kak­kani ikin­ngutiminut suleqatiminul­lu oqalut­tuarisar­pai. Aam­ma ul­lormut al­las­simaf­fim­mik Ul­lut tamaasa Al­lak­kat misis­sor­tak­kit-miit­tumik mobilimini atuar­tar­poq JW Library app atorlugu.

Rankin Inlet-imut Canadami Nunavut-miit­tumut aq­quteqan­ngim­mat pionerit marluk il­loqarfim­mut mikinermut tas­sunga tim­misar­tor­put arlalin­nil­lu Biibilimik atuaq­qis­saaqateqar­talerlutik. Angutit ilaat filmiaraq Naalagaaf­filersaarfim­mi susoqar­tar­pa? isigin­naareerlugu aperivoq qaqugu il­loqarfim­mini naalagaaf­filersaarfilior­toqas­sanersoq. Imalu nangip­poq: “Taamanik­kus­samut suli maaniis­saguma ataatsimiigia­rumaar­punga.”

“Is­sit­taqaaq aputeqaqalunilu.” Pionerit Savukoskimut Finlandimiit­tumut, tut­tut inun­nit quleriaam­mik amerlaneruf­fian­nut, aal­lar­titat taama nalunaar­put. Taman­nali ajoqutaasutut isigin­ngilaat. Sooq? Ima nalunaar­put: “Inuit amerlanersaat oqaluus­sif­figisin­naasimavavut. Il­loqarfeeq­qanut ungasiar­tumiit­tunul­lu al­lanut aq­qutit nivan­neqar­tuaan­nar­put. Is­seqim­mat inuit angerlarsimagajup­put.”

Sal­lusuis­sutit Biibilimiit­tut avan­nar­pasis­suniit­tunut oqaluus­sis­sutiginiarlugit iliuuseqar­nivut maluginiar­neqar­tar­put. Il­loqarfim­mi Alaskamiit­tumi borgmesteriusup pionerinit marlun­nit pulaar­neqar­nermi kingor­na taak­kunin­nga oqaloqate­qarsimanini inter­netik­kut at­taveqaqatigiif­fiusar­tumi nuan­nersumik al­laatigaa naqitaaq­qal­lu Guutip naala­gaaf­fia suua?-p saq­qaata as­singa al­lataminut ilan­ngul­lugu.

Pionerit marluk Hainesimi Alaskamiit­tumi atuagaateqarfim­mi inun­nit arfineq-pingasunit najuuf­figineqar­tumik ataatsimiititsip­put. Aam­ma il­loqarfiup aviisiani al­laatigineqar­poq angutit marluk, Texasimeersup Nor­th Carolinameersul­lu, inuit nam­min­neq angerlarsimaf­fiini Biibili pil­lugu ilin­niar­tin­nis­saan­nik neqeroor­figisaraat. Al­laaserisap naggataa­tungaani ima kajumis­saaruteqar­poq: “Paasisaqar­nerorusuk­kuit jw.org alak­kariuk.”