Inup­pas­suit al­lamik up­perisaqareersut Biibilimut tun­ngasumik oqaloqatigis­sal­luta nuan­narisar­paat. Soorunami inuup al­lamik up­perisaqar­nis­samut pisin­naatitaaf­fia ataq­qil­lugulu al­lat tusarliuk­kusutatsin­nik pin­ngitsaalil­lugit tusar­naar­tin­neq ajor­pavut.

 Biibilimi siun­nersor­neqar­nitsitut up­perisaq pil­lugu oqaloqatigiin­nermi saamasuuniar­tarlutalu al­lanik ataq­qin­nit­tuuniar­tar­pugut. (1 Petrusi 3:15, 16) Inuit ilaasa tusarliuk­kusutatsin­nik tusarusun­ngin­nis­saat nalun­ngilar­put. (Mat­thæusi 10:14) Inuil­li aatsaat oqaloqatigileraangatsigit tusar­naarusun­nersut paasisar­par­put. Aam­ma ilisimavar­put inuit atugaasa al­lan­ngorar­tar­nerat.

 As­sersuutigalugu inuup ul­lormi aalajangersimasumi oqaloqatiginis­satsin­nut pif­fis­saqan­ngitsup im­maqa ul­lormi al­lami oqaloqatigerusus­savaatigut. Aam­ma inuit ajor­nar­torsiuteqaler­ner­tik atuk­kamil­luun­niit al­lan­ngor­nerat pis­sutigalugu Biibilimi tusarliun­neqar­tumik soqutigin­nilersin­naap­put. Taamaat­tumik inuit arlaleriarluta oqaloqatigerusut­tar­pavut.