Meeraanin­niil­li pin­ngor­titarsuaq nuan­narisarivara. Ilaqut­tak­kalu or­pip­pas­suit tatsil­lu alutor­nangaar­tut il­loqarfit­ta Finlandip qeq­qaniit­tup, Jyväskyläp, ungasin­ngisaaniit­tut pisut­tuarfigikulasar­pagut. Uumasut nuan­narisaraak­ka. Meeraagal­larama qitsuit qim­mil­lu qaangiin­narsin­naan­ngilak­ka kisian­ni at­tulaarlugit! Perorama inuit uumasunik naal­liutsitsinerat isumakuluutigisaler­para. Aalajanger­punga uumasunik il­lersuiniaqatigiin­nut ilaasor­tan­ngor­niarlunga. Tas­sani inuit uat­tul­li isumal­lit naapip­pak­ka.

Uumasut pisin­naatitaaf­fii il­lersor­niarlugit im­mik­kut suliniuteqar­tar­pugut. Pisiniarfiit amer­nik nioq­qutil­lit uumasunil­lu misiliutinik tigusisar­tut akerleralugit paasis­sutis­sanik agguaasar­pugut akerlius­sutsimil­lu takutitsinis­samik aaq­qis­suus­sisarluta. Al­laat uumasunik il­lersuiniaqatigiif­fim­mik nutaamik pilersitsivugut. Akerlius­sutsimik takutitsinitsin­ni inatsisinik unioq­qutitsisar­ner­put pis­sutigalugu pisor­tal­lu aporaat­tar­pugut. Arlaleriarlunga tigusaasar­punga eq­qar­tuus­saasarlungalu.

Uumasut atugaan­nik isumakuluuteqar­nerma saniatigut silarsuarmi ajor­nar­torsiutinik al­lanik isumakuluuteqar­punga. Pif­fis­sap ingerlanerani peqatigiif­fin­nut al­lanut, ilaatigut Amnesty Inter­nationalimut aam­ma Greenpeacemut ilaasor­tan­ngor­punga. Suliniutaat tamaasa sapin­ngisan­nik tapersersor­tar­pak­ka. Piitsunut, kaat­tunut atugarlior­tunul­lu al­lanut il­lersuisun­ngor­punga.

Paasiar­tuler­parali silarsuaq al­lan­ngor­tis­sin­naanagu. Naak peqatigiif­fiit taak­ku ajor­nar­torsiutinik min­ner­nik iluarsiisaraluar­tut ajor­nar­torsiutit an­nerusut amerliar­tuin­narsoraak­ka. Soorlulusooq nukiit ajor­tut silarsuaq tamarmi pis­saaneqarfigigaat inuil­lu soqutigisaqan­ngitsutut il­lutik. Misigaanga qanoq ilioriarsin­naananga.

Angusaqarsin­naan­ngin­nera aliasuutigalugu Guuti Biibililu eq­qarsaatigisaler­pak­ka. Sior­natigut Jehovap Nalunaajaasuinik atuaq­qis­saaqateqar­tar­punga. Inus­siar­nersuunerat inut­tul­lu soqutigin­nin­nerat nuan­narigaluarlugit taamani inooriaatsin­nik al­lan­nguinis­san­nut piareersiman­ngilanga. Mas­sak­kul­li pis­sutsit al­laanerup­put.

Biibilera atuar­taler­para. Iluaal­laqaanga. Maluginiar­taler­para uumasunik ajun­ngitsumik pin­nit­tar­nis­sar­put Biibilimi ajoqersuutigineqar­toq. As­sersuutigalugu Us­satit 12:10-mi al­las­simavoq inuup ajun­ngitsup ‘nersutaatini isumagisarai’. Paasiler­para inuit Guutip inatsisaanik maleruaan­ngin­nerat silarsuarmi ajor­nar­torsiutinut pis­sutaasoq. Jehovap asan­nin­nera kamagit­tar­tuuneralu paasilerak­kit tupigusoqaanga. – Tus­siaat 103:8-14.

Tamatuma nalaani im­mersugas­saq nas­saaraara atuagarlu Biibilimi sorpiaat ajoqersuutigineqarpat? qin­nutigalugu. Sivitsun­ngitsoq aap­pariit Jehovamik Nalunaajaasut matuk­kut kasut­tor­put Biibilimil­lu atuaq­qis­saaqatigin­nin­nis­samik neqeroorfigalunga. Aam­ma Jehovap Nalunaajaasuisa ataatsimiin­neran­nut najuut­taler­punga. Biibilimit ilik­kak­kak­ka nuan­naringaaler­pak­ka.

Biibili iluaqutigalugu inuunin­nik al­lan­nguisaler­punga. Pujor­tar­tarun­naarlungalu imigas­sar­tor­pal­laarun­naar­punga. Isik­koris­sivunga oqaasipilut­tarun­naarlungalu. Pisor­tanut isigin­nit­taasera al­lan­ngor­poq. (Romamiut 13:1) Aam­ma kinguaas­siuutitigut inuunerlut­tar­nerujus­suara anigor­para.

Peqatigiif­fin­nut ilaasor­taaf­figisimasan­nut isigin­nit­taasera al­lan­ngor­tis­sal­lugu uan­nut saper­nar­ner­paajuvoq. Ul­lormiit ul­lormut taman­na pin­ngilaq. Aal­laq­qaam­mut misigisimavunga peqatigiif­fiit taak­ku ilaasor­taaf­figiun­naaruk­kit kil­luutigis­sal­lugit. Paasiar­tuler­parali Guutip naalagaaf­fia inun­nut neriuutis­satuaasoq. Aalajanger­punga naalagaaf­fik taan­na sapin­ngisan­nik tapersersor­niarlugu al­lal­lu tamatumin­nga paasin­nin­nis­saan­nik ikior­niarlugit. – Mat­thæusi 6:33.

Il­lersuiniaqatigiin­ni suleqataagal­larama inuit marlun­nut – ajun­ngitsunut ajor­tunul­lu – im­mik­koor­titer­tar­pak­ka ajor­tuusorisak­kalu akerlilersor­tarlugit. Biibilimili ilik­kak­kak­ka iluaqutigalugit al­lanik uum­migin­nik­kun­naar­punga Kristumiutul­lu asan­nin­neq inun­nut tamanut ersersin­niar­talerlugu. (Mat­thæusi 5:44) Ilaatigut taamaalior­tar­punga Guutip naalagaaf­fia pil­lugu nutaarsias­saq nuan­nersoq oqaluus­sis­sutigigaangak­ku. Nuan­naarutigisar­para suliniar­neq taman­na eq­qis­sinermik pil­luar­nermil­lu pilersitsil­lunilu inun­nik neriuuteqalersitsigaangat.

Jehovap isumagin­nin­nis­saa tatigigak­ku qamuuna eq­qis­sial­laqaanga. Up­peril­luin­nar­para uumasut inuil­lu ajor­tumik pineqar­tuar­nis­saat nunarsuul­lu kusanar­tup aseror­ter­neqar­tuar­nis­saa Pin­ngor­titsisup akuerinavian­ngik­kaa. Naalagaaf­fini aq­qutigalugu aseror­neqarsimasut tamaasa iluarsiivigis­savai. (Esaja 11:1-9) Susoqar­nis­saanik ilisiman­nin­nera al­lal­lu uat­tul­li up­perisaqaler­nis­saan­nik ikiuinera nuan­naarutigeqaara. Maan­na pis­sutsinik al­lan­ngor­titsiniaasariaqar­tutut misigiun­naar­punga.