Apeqqutit Biibilimut tunngasut
Guuti qanoq ateqarpa?
Ilaquttavut tamarmik ateqarput. Allaat uumasuutigineqartut ateqarput! Taava Guutip ateqarneranik pissusissamisuussannginnerpa? Biibilimi Guuti taaguuterpassuaqarpoq, soorlu Guuti Ajugaqanngitsoq, Qutsinnerussaartoq Pinngortitsisorlu, aammali namminerisaminik ateqarpoq. — Atuaruk Esaja 42:8.
Biibilimik nutsikkani amerlanerni Guutip namminerisaminik atia Tussiaat 83:18-imi (nutsikkat ilaanni versi 19-imi) atorneqarpoq. Assersuutigalugu New World Translation of the Holy Scriptures-imi versimi tamatumani ima allassimavoq: “Illit, Jehovamik atilik, illit kisivit Qutsinnerussaartutit nunarsuarmi tamarmi.”
Sooq Guutip aqqa atussavarput?
Guutip kissaatigaa namminerisaminik atini atussagipput. Asasavut, soorlu qanimut ikinngutivut, oqaloqatigigaangatsigit taakkua atiisigut taasarpavut. Taava Guuti qinnuigigaangatsigu aqqa atussannginnerparput? Aammattaaq Jiisusip Kristusip kajumissaarutigaa Guutip aqqanik atuinissaq. — Atuakkit Matthæusi 6:9; Johannesi 17:26.
Kisiannili Guutimut ikinngutaalissagutta ateqarneranik ilisimanninnerput naammanngilaq, taanna pillugu ilisimasaqarnerulerniartariaqarpugut. Assersuutigalugu Guuti qanoq ittuua? Guutimut qanillisoqarsinnaagami? Apeqqutit taakku Biibilimi akissutissarsisinnaavatit.
Soqutigisinnaasatit allat
BIIBILIMI ILINNIARTITSISSUTIGINEQARTUT PINGAARUTILLIT
Guuti ateqarpa?
Guuti taaguuterpassuaqarpoq, assersuutigalugu Ajugaqanngitsoq, Pinngortitsisoq aamma Naalagaq. Guutilli aqqa Biibilimi 7000-t sinnerlugit atorneqarpoq.
APEQQUTIT BIIBILIMI AKINEQARTUT
Guuti qassinik ateqarpa?
Inuit isumaqarput Guuti aterpassuaqartoq, soorlu imatut: ‘Allah’, ‘El Sjaddaj’ kiisalu ‘Alfa aamma Omega’. Guutip qanoq taaneqartarnera pingaaruteqarpa?
