SILARSUARMI up­perisarsioqatigiip­pas­suaqar­poq. Qanit­tuk­kut misis­suineq naaper­torlugu silarsuaq tamak­kerlugu up­perisarsioqatigiit pingaar­nerit 19-iup­put min­neril­lu 10.000-it mis­saan­niil­lutik. Up­perisarsioqatigiit aatsaat taama amerlatigip­put. Taman­na ima apererusuler­nar­poq: Up­perisarsioqatigiin­nik sorler­nik toq­qaaneq soqutaava?

Inuit ilaat oqar­tar­put up­perisarsioqatigiit as­sigiin­ngitsut qaq­qamut ataatsimut aq­qutinut as­sersuun­neqarsin­naasut. Taak­kua aq­qum­mik sorlermik toq­qaanis­saq soqutaasorin­ngilaat, aq­qutim­mi tamarmik sumiif­fim­mut ataatsimut ‘aq­qutaasoraat’. Ima tun­ngavilersuisar­put, ajugaqan­ngitsumik ataasiin­narmik Guuteqar­pat up­perisarsioqatigiit tamarmik taas­sumun­nga ‘aq­qutaasimas­sap­put’.

Jiisusi Kristusi, oqalut­tuarisaanermi up­perisarsior­nik­kut ilin­niar­titsisut ataq­qisaaner­paat ilaat, apeq­qut taman­na pil­lugu oqaaseqarsimava? Aap, ajoqersuk­kani ima oqarfigai: “Isaaf­fik­kut nerukitsuk­kut iseritsi.” Sooq taamaalioq­quai? Ima nangip­poq: “Nerutoqaarmi tam­marfim­mut isaaf­fik tas­sungalu aq­qutaa  sileqaluni; amerlaqaal­lu tas­suuna isaasut. Nerukeqaarli inuus­sum­mut isaaf­fik tas­sungalu aq­qutaa ameqaluni; ikit­tuin­naap­pul­lu taas­sumin­nga nanisisut!” — Mat­thæusi 7:13, 14.

Jiisusi ilumut isumaqar­pa up­perisarsioqatigiit ilaat ‘tam­marfim­mut’ isaaf­fiusut? Imaluun­niit matumani oqaatigerusuin­nar­paa up­pin­ngitsut kisimik aq­qutik­kut silit­tuk­koor­tut Guutimul­lu up­per­tut tamarmik — up­perisarsioqatigiin­nut sorler­nul­luun­niit ilaagaluarunik — aq­qutik­kut amitsuk­kut inuus­sum­mut sam­misuk­koor­tut?

Marluin­nar­nik aq­quteqar­nera eq­qaariigin­narlugu Jiisusi ima oqar­poq: “Pruf­fiitioq­qusersunut mianersoritsi; taak­kua savatut atisaqarlutik or­nit­tar­paasi, ilumik­kul­li amaruup­put kiisor­tut.” (Mat­thæusi 7:15) Kingusin­nerusuk­kut ima oqar­poq: “Imaan­ngilaq kinaluun­niit uan­nut oqar­toq: Naalagaq, Naalagaq! Qilaap Naalagaaf­fianut isis­sasoq, Ataatamali qilan­niit­tup piumasaanik ilior­toq kisimi.” (Mat­thæusi 7:21) Pruf­fiitiunerar­tup Jiisusimil­lu ‘Naalagaqar­nerar­tup’ up­per­tuusorinis­saa pis­susis­samisuugin­nar­poq. Tas­sa erseq­qip­poq Jiisusip mianersoq­qus­sutigigaa up­perisarsioqatigiit tamarmiun­ngitsoq ajun­ngitsuusut up­perisarsior­nik­kul­lu ilin­niar­titsisut tamarmiun­ngitsoq tatigineqarsin­naasut.

Aq­qutit tamarmiun­ngitsoq Guutimut sam­minerat aq­qutinil­lu tusindilin­nik toq­qagas­saqar­nera eq­qarsaatigalugu, qanoq ilil­luni aq­qut amitsoq inuus­sum­mut sam­misoq nanineqarsin­naava? As­sersuut una eq­qarsaatigeriaruk: Takorlooriaruk il­loqarfis­suarmi tam­mar­tajaarlutit. Aalajanger­putit suk­kuus­sanerlutit aperisaqar­niarlutit. Ataaseq qulan­ngivil­luni oqar­poq saamim­mut sangus­sasutit. Al­la oqar­poq taler­pim­mukas­sasutit. Sulilu al­la oqar­poq ilin­nut pitsaanerusorisat ingerlavigiin­nas­sagit. Naggataatigut inuup al­lap nunap as­singa tutsuiginar­toq qaqil­lugu aq­qut eq­qor­toq ilin­nut takutip­paa. Taava nunap as­singa ilin­nut tun­niup­paa taan­na najoq­qutarinias­sagak­ku. Or­nitan­nut apuun­nis­sat maan­na qularin­ngin­neruler­pat, ilaa?

Up­perisarsior­nermut tun­ngatil­lugu aq­qum­mik eq­qor­tumik qinersinis­saq eq­qarsaatigalugu uagut­taaq nunap as­singanil­lusooq pisariaqar­titsivugut. Tas­sa Biibili pisariaqar­tip­par­put. Biibilimi ima al­las­simavoq: “Al­lak­kat tamarmik Guutimit isumas­sarsiarititaap­put. Taak­ku piuk­kun­nar­tuup­put uagutsin­nut ilin­niar­titsis­sutis­satut, kuk­kus­sutitsin­nik qulaaris­sutis­satut, naq­qiis­sutis­satut qanorlu inuusariaqar­nitsin­nik ilitsersuus­sutis­satut.” — 2 Timotheusi 3:16, Den Nye Aftale.

Up­per­tut aalajaatsut ilar­pas­suisut Biibili Guutip oqaaserigaa up­periguk­ku il­lit­taaq eq­qor­tumik pal­lorfigin­nin­nis­samut najoq­qutarisin­naasaqar­putit. Al­laaserisat tul­liut­tut atuaruk­kit ilisimasatit Biibilimi al­las­simasunut sanil­liut­tak­kit. Ajun­ngitsunik ajor­tunil­lu qanoq ilil­luni im­mik­koor­titsisoqarsin­naanera pil­lugu Jiisusip oqaasii eq­qaamak­kit. Ima oqar­poq: “Or­pik ajun­ngitsoq sunaluun­niit ajun­ngitsunik inerititaqar­tar­poq or­pil­lu ajor­toq ajor­tunik inerititaqar­tarluni. Or­pik ajun­ngitsoq ajor­tunik inerititaqarsin­naan­ngilaq or­pil­lu ajor­toq ajun­ngitsunik inerititaqarsin­naanani.” (Mat­thæusi 7:17, 18) Inerititat ajun­ngitsut pingasuin­naat Biibilimi ‘or­pim­mut ajun­ngitsumut’ ilisar­naataanerar­neqar­tut sam­meriar­tigit.