1. Sunaana eq­qarsaatigeq­qis­saaq­qul­lugu Apustilip Johan­nesip kajumis­saaraatigut, aam­ma sooq?

JOHAN­NESIP kajumis­saar­paatigut Jehovap uagutsin­nut asan­ningaar­nera eq­qarsaatigil­luaq­qul­lugu. Johan­nesip al­lagai siul­liit 3:1-imi al­las­simavoq: “Takuuk Ataatap uagutsin­nik asan­nis­susersua.” (NW) Jehovap qanoq asatigigaatigut qanorlu taman­na ersersis­simagaa eq­qarsaatigeq­qis­saaraangatsigit taas­sumun­nga qanin­nerulerlutalu asan­nin­neruler­tar­pugut.

2. Sooq inuit ilaasa Guutimit asaneqar­ner­tik paasiuminaatsis­sin­naavaat?

² Ajoraluar­tumik inuit ilaasa Guutimit asaneqar­ner­tik paasisin­naaneq ajor­paat. Eq­qarsar­tar­put Guutip inuit soqutigin­ngik­kai. Isumaqar­put Guuti naalak­kersuiniaan­navis­suusoq im­minul­lu naalak­kusun­ngitsunik pil­laasar­tuusoq. Ajoqersuutit eq­qun­ngitsut pis­sutigalugit al­laat inuit ilaasa Guuti naak­kit­taatsutut taamaat­tumil­lu asaneqarsin­naan­ngitsutut isigisar­paat. Al­lat isumaqar­put Guutip inuit  qanorluun­niit ilioraluaraangata tamaasa asagai. Il­lil­li Biibilimik atuaq­qis­saar­tar­nik­kut Jehova pil­lugu sal­lusuis­sut ilik­karsimagak­ku nalun­ngilat asan­nin­neq pis­susiini pingaar­ner­paasoq taamaat­tumil­lu il­lit pil­lutit er­nini tun­nius­simagaa. (Joh 3:16; 1 Joh 4:8) Inuunin­nili ajor­tunik misigisaqar­tarsimaguit Jehovap qanoq asatigigaatit paasiuminaatsis­sin­naavat.

3. Jehovap uagutsin­nut asan­nin­nera paasiniarlugu suna iluaqutigisin­naavar­put?

³ Jehovap uagutsin­nut asan­nin­nera paasis­sagutsigu eq­qaamasariaqar­par­put Jehova pin­ngor­titsisigigatsigu. (Tus­siaat 100:3-5 atuak­kit). Taamaat­tuminguna Biibilimi al­las­simaneratut inuk siul­leq ‘Guutip er­neranik’ taaneqar­toq. (Luk 3:38) Aam­ma Jiisusip ilin­niar­tip­paatigut Jehovamut ima qinusas­sasugut: “Ataatar­put qilan­niit­tutit!” (Mat­t 6:9) Tas­sa Jehova ataatagaar­put, aam­ma ataataasup meeq­qaminik asan­nin­neratut taas­suma asavaatigut.

4. (a) Jehova Ataatatut qanoq it­tuua? (b) Al­laaserisami matumani tul­liut­tumilu suut sam­mis­savavut?

⁴ Inuit ilaasa ataataq asan­nit­toq takorluus­sal­lugu ajor­nakusoor­tit­tar­paat. Taak­kua meeraanermin­ni ataatamin­nit ajor­tumik pineqar­tarsimaner­tik eq­qaasar­paat. Jehovali qitor­naminut taama iliun­ngisaan­nar­poq. Al­lamik taama pitsaatigisoqan­ngilaq. (Tus­s 27:10) Asangaar­paatigut as­sigiin­ngitsor­pas­suar­tigul­lu isumas­sor­tarluta. Jehovamit asaneqar­tutut misiginerujar­tor­til­luta asanerujar­tuin­nas­savar­put. (Jaak 4:8) Al­laaserisami matumani Jehovap uagutsin­nut asan­nin­nerminik ersersitseriaasii sisamaasut sam­mis­savavut. Al­laaserisami tul­liut­tumi uagut tas­sunga asan­nin­ner­put qanoq sisamatigut ersersis­sin­naagip­put sam­mis­savar­put.

5. Guutip inuit tamaasa sumik tunivai?

⁵ Apustilip Paulusip Grækenlandimi Athenimiitil­luni maluginiar­paa guutipilup­pas­suaqar­toq inuil­lu guutipiluit taak­ku inuunermik tunisisutut up­perigaat. Taamaat­tumik “Guuti silarsuarmik taas­sumaniit­tunil­lu tamanik pin­ngor­titsisuusoq” pil­lugu oqalut­tuup­pai. Ima oqar­poq: “Taan­naavormi tamanut inuunermik anersaar­tor­nermil­lu al­lanil­lu tamanik tunisisar­toq ... Taas­sumanimi inuuvugut anersaar­torlutalu atal­lutalu.” (ApS 17:24, 25, 28) Jehovap inuusin­naaq­qul­luta inuunermil­lu nuan­naarutigin­nis­sin­naaq­qul­luta pisariaqar­titatsin­nik tamanik tunisar­paatigut. Asan­nin­nini tun­ngavigalugu uagutsin­nut tunis­sutaasa ilaan­naat eq­qarsaatigik­kit.

6. Jehovap angerlarsimaf­fis­satsin­nik qanoq it­tumik tunisimavaatigut? (Al­laaserisap aal­laq­qaataani as­seq takuuk).

⁶ As­sersuutigalugu Jehova najugaqarfis­satsin­nik alianaatsorsuarmik pin­ngor­titsivoq. (Tus­s 115:15, 16) Nunarsuaq planetinit tamanit im­mik­kuul­larin­ner­paajusorineqar­poq. Ilisimatuut avataarsuaq planeter­pas­suil­lu misis­sorsimavaat, planetinili al­lani inuit inuuin­nas­sagunik pisariaqar­titaan­nik tamanik suli nas­saarsiman­ngil­lat. Jehovap inuuin­nar­nis­satsin­nut pisariaqar­tunik tuniin­narata aam­mali inuunermik nuan­naarutigin­nis­sin­naaq­qul­luta nunarsuaq alianaatsoq, iluarisimaar­nar­toq toq­qis­sisimanar­torlu pin­ngor­tip­paa. (Es 45:18) Ataatat­ta Jehovap angerlarsimaf­fis­satsitut tunis­sutaa  eq­qarsaatigisarutsigu ilumut paasis­savar­put qanoq asatigigaatigut. – Jobi 38:4, 7; Tus­siaat 8:4, 5 atuak­kit.

7. Pin­ngor­titaanitsin­nit qanoq erser­pa Jehovap ilumut asagaatigut?

⁷ Aam­ma Jehovap uagutsin­nut asan­nin­nini ersersip­paa ilaarsin­naatil­luni pin­ngor­tik­kamisigut. (1 Mos 1:27) Tas­sa taas­suma asan­nin­nera misigisin­naavar­put uagul­lu taas­sumun­nga asan­nin­ner­put ersersis­sin­naal­lugu. Nalun­ngilaa taamaalior­nik­kut pil­lualivis­sin­naasugut. Tas­sa imaap­poq meeq­qat angajoq­qaamin­nit asaneqar­tutut misigigaangamik pil­luar­ner­paajusar­tut. Eq­qaamajuk Jiisusi ima oqar­toq: “Pil­luar­put anersaak­kut pisariaqar­titsinermin­nik eq­qumaf­figin­nit­tut.” (Mat­t 5:3, NW) “Pisariaqak­katsin­nik naam­mat­tunik” tunivaatigut. Ersarip­poq Jehovap asangaarlutalu tuk­korfigigaatigut. – 1 Tim 6:17; Tus­s 145:16.

8. Sooq Jehovamit ilin­niar­tin­neqar­nis­sar­put kis­saatigaar­put?

⁸ Ataataasut meeq­qatik asasar­paat kis­saatigin­ngil­luin­narlugulu paatsiveerutititaanis­saat. Angajoq­qaar­pas­suil­li ul­lumik­kut suup ajun­ngitsuuneranik  suul­lu ajor­tuuneranik najoq­qutas­siat Biibilimeersut akuersaarumaneq ajor­paat. Taamaat­tumik qitor­natik eq­qor­tumik perorsarsin­naaneq ajor­paat, taman­nalu pil­luaan­nermik paatsiveerusimaar­nermil­lu kinguneqar­tar­poq. (Us­s 14:12) Jehoval­li ‘sal­lusuis­sutip Guutiata’ qitor­nani siun­nersorluar­tar­pai. (Tus­s 31:5, NW [31:6]) Im­minik pil­luni sal­lusuis­sum­mik qanorlu eq­qor­tumik pal­lorfigis­sagitsin­ni ilin­niar­tis­sin­naagamisigut nuan­naarutigingaar­paa. Aam­ma pitsaaner­paamik inooriaaseqar­nis­satsin­nut siulersor­tar­paatigut. (Tus­siaat 43:3 atuaruk). Jehovap uagutsin­nut asan­ningaar­nerminik ersersitsisunik sunik ilin­niar­tip­paatigut?

9, 10. (a) Sooq Jehovap im­minik pil­luni ilin­niar­tip­paatigut? (b) Uagutsin­nut siuner­tani pil­lugu sunik ilin­niar­tip­paatigut?

⁹ Siul­ler­tut, Jehovap im­minik pil­luni oqalut­tuup­paatigut. Ilisarisimalis­sagitsin­ni kis­saatigaa. (Jaak 4:8) Taamaat­tumik Biibilip al­las­simaq­qaarfiini Guutip aq­qa ater­nit al­lanit tamanit taaneqar­ner­paavoq. Jehovap aam­ma paasitip­paatigut kinaas­susilit­tut qanoq it­tuul­luni. Pin­ngor­titai qimerlooraangatsigit pis­saanera ilisimas­susialu paasisar­pavut. (Rom 1:20) Biibilimik atuaraangat­ta naaper­tuil­luar­tuunera uagutsin­nul­lu asan­ningaar­tuunera ilik­kar­tar­par­put. Jehovap pis­susii nuan­nersut paasileraangatsigit Jehova qanik­kusun­neruler­tar­par­put.

¹⁰ Jehovap aam­ma siuner­taminik ilin­niar­tip­paatigut. Ilaqutariis­sor­taminut ilaanitsin­nik ilisimatip­paatigut. Ilaqutariis­sor­taminut ataasioqatigiil­luta eq­qis­seqatigiil­lutalu suleqataasin­naanias­sagat­ta uagutsin­nit qanoq piumasaqar­nerminik nas­suiaap­paatigut. Biibilimi ersaris­sumik al­las­simavoq Guutip pin­ngor­tin­ngik­kaatigut suup eq­qor­tuuneranik suul­lu eq­qun­ngitsuuneranik nam­mineq aalajangiisin­naatil­luta. (Us­s 16:25) Jehovap suna uagutsin­nut pitsaaner­paasoq nalun­ngin­neruaa. Oqar­tus­saas­susiali aatsaat akuerigutsigu naalak­kutsigulu eq­qis­sil­luta nalerisimaarlutalu inuusin­naavugut. Jehovap asagamisigut sal­lusuis­sum­mik pingaarutilim­mik tamatumin­nga ilin­niar­tip­paatigut.

11. Ataatat­ta asan­nit­tup sumik neriorsor­paatigut?

¹¹ Ataataasup asan­nit­tup meeq­qami siunis­saat eq­qarsaatigeq­qis­saar­tar­paa. Pil­luarlutik inuunis­saat kis­saatigisar­paa. Ajoraluar­tumik ul­lumik­kut inuit amerlanerit siunis­sar­tik isumakuluutigisar­paat, inup­pas­suil­lu piun­ngitsut anguniarlugit sulilus­sin­nar­tarlutik. (Tus­s 90:10) Ataatat­ta Jehovap ul­lumik­kut nalerisimaarluta qanoq inuunis­satsin­nik oqalut­tuutiin­narata aam­mali siunis­samik nuan­ningaar­tumik neriorsormatigut qujamasuutigeqaar­put!

12. Jehovap Kaini Barukilu qanoq ikior­niarsarai?

¹² Jehovap Kaini ajor­torujus­suarmik iliuuseqar­nis­saanut navianar­torsior­toq takugamiuk ikior­niarlugu ima oqarfigaa: “Sooq ajual­lap­pit? Sooq nakangal­lutit angalaler­pit? Ajun­ngitsulioruit nakimanak niaq­qut makitis­simasin­naavat.” (1 Mos 4:6, 7) Jehovap ikiuiniar­nera Kainip sumigin­nar­paa, tamatumalu kinguneranik erloqiler­poq. (1 Mos  4:11-13) Jehovap aam­ma maluginiar­paa Baruki eq­qun­ngitsumik isigin­nit­taaseqaler­nini pis­sutigalugu qasul­lunilu nikal­lungalersoq. Jehovap Baruki oqaluup­paa eq­qarsar­tariaasia kuk­kusuusoq al­lan­ngor­tit­tariaqaraalu. Barukip Jehovap siun­nersuutaa naalap­paa, taman­nalu inuugin­nar­neranik kinguneqar­poq. – Jer 45:2-5.

13. Jehovap kif­faasa aalajaatsut misilin­neqar­ner­tik qanoq iluaqutigaat?

¹³ Jehovap asagamisigut siun­nersorlutalu oqaaq­qis­saar­tar­paatigut. Pisariaqaraangat naq­qiin­nar­nata, aam­mali perorsar­tar­paatigut. (Hebr 12:6) Biibilimi kif­fat aalajaatsut Jehovamit perorsaatis­sin­neqar­tut pil­lugit atuar­tar­pugut. As­sersuutigalugu Josefi, Mosesi Daavilu inuunermin­ni ilungersunar­tunik atugaqarsimap­put. Misilin­neqar­neran­ni Jehovap najorsimavai, inut­tum­mi pis­suserineqar­tus­sat pitsaasut ineriar­tor­tis­simavaat, kingusin­nerusuk­kul­lu Jehovamit an­ner­tuunik akisus­saaf­filer­neqar­nermin­ni misigisimasatik iluaqutigaat. Jehovap in­nut­taminik qanoq tapersersuisarsimanera qanorlu perorsaatis­siisarsimanera Biibilimi atuaraangatsigit uagutsin­nut asan­ningaar­nera misigisar­par­put. – Us­satit 3:11, 12 atuak­kit.

14. Kuk­kugaangat­ta Jehovap uagutsin­nut asan­nin­nini qanoq ersersit­tar­paa?

¹⁴ Kuk­kugaluaraangat­taluun­niit Jehovap uagutsin­nut asan­nin­nini ersersit­tuar­tar­paa. Oqaaq­qis­saarutai tusaaniar­tarutsigit peq­qis­simil­lutalu ‘isumak­keerfigiuar­tas­savaatigut’. (Es 55:7) Jehova qanoq isumak­keerfigin­nik­kumatutigaa? Jehovap isumak­keerfigin­nik­kumatunera pil­lugu Daavip oqaasiinit erser­poq Ataatar­put qanoq naak­kit­tar­tigisoq. “Taas­suma isumak­keerfigaatit ajor­tulian­nik tamanik, nap­paatitil­lu tamaasa katsorsarlugit. Taas­suma inuunerit ilivermit iperagaatip­paa niaqoruserlutil­lu ajun­ngis­sutsimik nal­lit­tuinermil­lu. Soorlu kangia kitaanit ungasis­soq, taamatut unioq­qutitsinivut ungasil­lisip­pai uatsin­nit.” (Tus­s 103:3, 4, 12) Jehovap as­sigiin­ngitsutigut oqaaq­qis­saar­tarlutalu siun­nersor­tar­paatigut. Al­lan­ngueriaan­naasar­pit? Eq­qaamajuk Jehovap asagamisigut oqaaq­qis­saar­taraatigut. – Tus­s 30:6.

15. Jehovap uagutsin­nut asan­nin­nini aam­ma qanoq ersersit­tar­paa?

¹⁵ Ataatap asan­nit­tup ilaqut­tani navianar­tunut il­lersor­tar­pai. Uagut­taaq Ataatar­put, Jehova, taamaalior­tar­poq. Jehova pil­lugu tus­siaasior­toq ima al­lap­poq: “Im­minut up­perluar­tut inuunerat paaraa aniguisis­sal­lugil­lu iluaatsunit.” (Tus­s 97:10) Una eq­qarsaatigeriaruk: Soorlu isitit erligalugit il­lersor­niapal­lat­taritit taamatut­taaq Jehova in­nut­tani erligigamigit il­lersor­niarlugit iliuuseqapal­lat­tar­poq. – Zakaria 2:12 atuaruk.

16, 17. Itsaq ul­lumik­kul­lu Jehovap in­nut­tani qanoq il­lersor­tar­pai?

¹⁶ Jehovap aam­ma in­ngilini aq­qutigalugit in­nut­tani itsaq ul­lumik­kul­lu il­lersor­tar­pai. (Tus­s 91:11) In­ngilip ataatsip Guutip in­nut­tai aniguisin­niarlugit As­syriamiut sak­kutuui 185.000-t un­num­mi ataatsimi toqup­pai. (2 Kng 19:35) Kristumiut siul­liit ilaat, Petrusi, Paulusi al­lal­lu, in­ngilinit par­naarus­sivim­miit aniguisin­neqar­put. (ApS 5:18-20; 12:6-11)  Aam­ma ul­lutsin­ni Afrikami nunat ilaan­ni amiilaar­nar­tumik sorsut­toqarfiusumi sumi tamaani akersuun­nerit, til­lin­niar­nerit, kinguaas­siuutitigut pin­ngitsaaliinerit toqoraan­neril­lu pis­sutigalugit inuit uiversimaqaat. Taamaat­toqar­nerani qatan­ngutitsin­nik ataasin­nguamil­luun­niit toqutaasoqan­ngik­kaluar­toq amerlasuut pigisatik tamarluin­naasa an­naasimavaat. Tamarmil­li Jehovap asan­nin­nera misigaat nalun­ngilaal­lu isumas­soraatik. Erloqinar­tunik atugaqaraluarlutik suli qiimap­put. Qul­lersaqarfim­mit aal­lar­titamit tikeraar­tumit qanoq in­nerlutik aperineqaramik ima akip­put: “Ajun­ngilagut, Jehovamut qutsatis­saqaqaagut!”

¹⁷ Jehoval­li kif­faasa ilaat, as­sersuutigalugu ajoqersugaq Stefanusi al­lal­lu, aalajaan­ner­tik pis­sutigalugu toqutaap­put. Taamatut pisoqar­til­lugu tamatigut Jehova akuliun­neq ajor­poq. Saatanil­li qoqas­siiniutaanut as­sigiin­ngitsunut mianersoq­qul­lugit Jehovap in­nut­tani eqimat­tatut il­lersor­tar­pai. (Ef 6:10-12) Mianersoq­qus­sutit taamaat­tut Biibilimi Biibililersaarutaatitsin­nilu atuarsin­naavavut. As­sersuutigalugu filmit, atuak­kat qarasaasiak­kul­lu pin­nguaatit kinguaas­siuutitigut as­suar­nar­tulior­tor­tal­lit nakuuser­tor­tal­lil­lu, aningaaserituujuneq aam­ma inter­netik­kut ajoqusiisin­naasut pil­lugit mianersoq­quneqar­tar­pugut. Ersarip­poq Jehovap asal­lutalu il­lersorumagaatigut.

18. Jehovap ilin­nik asan­nin­nera qanoq isumaqarfigaajuk?

¹⁸ Mosesip ukior­pas­suar­ni Jehovamut kif­faasimanini eq­qarsaatigereerlugu qularin­ngil­luin­nar­paa Jehovap asagaani, imalu al­lap­poq: “Ajun­ngis­sutsin­nik qaarsil­lar­titsigut ul­laak­kut, qiimasul­lutalu nuan­naarsin­naaq­qul­luta inuuner­put tamaat.” (Tus­s 90:14) Jehovap uagutsin­nut asan­nin­nera paasisin­naal­lugulu misigisin­naagatsigu pil­luaq­quneqaatigaar­put. Jehovamit asaneqar­ner­put ataq­qinaataangaar­poq! Apustilip Johan­nesip ima oqar­neratut misigisimavugut: “Takuuk Ataatap uagutsin­nik asan­nis­susersua.” – 1 Joh 3:1, NW.