1, 2. Ilagiin­nik nak­kutil­liisut ilagiin­ni amerlasuuni suna maluginiarsimavaat?

ILAGIIN­NIK nak­kutil­liisup utoq­qaaner­tanik ataatsimeeqateqar­nini naggaser­nialer­paa. Qatan­ngutit angutit tamaviaarlutik kif­far­tor­tut, ilaat ataatagisin­naasani, asan­nit­tumik isigai. Taamaat­torli er­numas­suteqarami ima aperai: “Qatan­ngutit, al­lat ilagiin­ni akisus­saaf­feqar­neruler­nis­saan­nut ilin­niar­tin­niarlugit qanoq iliuuseqar­tigisimavisi?” Qatan­ngutit nalun­ngilaat kingul­lermik tikeraarmat al­lanik ilin­niar­titsinermut pif­fis­saq an­nerusoq atoq­qul­lugu kajumis­saar­neqarlutik. Naggataatigut utoq­qaaner­tat ilaat ima nas­suer­poq: “Iliuuseqar­piar­nikuun­ngilagut.” Utoq­qaaner­taqatai tamarmik isumaqataap­put.

² Utoq­qaaner­taaguit im­maqa tamatumun­nga as­singusumik akis­saatit. Ilagiin­nik nak­kutil­liisut maluginiarsimavaat utoq­qaaner­tat amerlasuut ilagiin­nik isumas­suinermut  tun­ngatil­lugu inuusut­tunik utoq­qar­nil­lu ilin­niar­titsinermut pif­fis­saq an­ner­tunerusoq ator­tariaqaraluaraat. Taman­nali saper­nangaarsin­naavoq. Sooq taamaap­pa?

3. (a) Al­lanik ilin­niar­titsinis­sap pingaaruteqar­nera Biibilimi qanoq ersersin­neqar­pa, aam­ma sooq tamat­ta taman­na soqutigisariaqar­par­put? (Qup­per­nerup ataatungaani ilan­ngus­saq takuuk). (b) Sooq utoq­qaaner­tat al­lanik ilin­niar­titsinis­saat saper­narsin­naava?

³ Utoq­qaaner­taaguit qatan­ngutinik angutinik ilin­niar­titsinerup pingaaruteqas­susia nalus­san­ngilat. * Ilagiin­niit­tut maan­nangaaq siunis­samilu anersaak­kut nukit­tus­sap­pata ilagiil­lu nutaat tapersersor­neqas­sap­pata qatan­ngutit angutit amerlanerusut pisariaqar­tin­neqar­nerat nalugunan­ngilat. (Esaja 60:22 atuaruk). Biibilimi al­las­simavoq ‘al­lanik ajoqersuisariaqar­tutit’. (2 Timotheusi 2:2 atuaruk). Taamaak­kaluar­torli ilin­niar­titsinis­samut pif­fis­saasuasin­naavutit. Ilaqut­tavit pisariaqar­titaat isumagisariaqarlugil­lu sulisariaqar­putit. Aam­ma ilagiit pisariaqar­titaat isumagisas­sal­lu pingaarutil­lit al­lat isumagisariaqar­patit. Isumagisas­sar­pas­suaqarmat al­lanik ilin­niar­titsinis­savit sooq pingaaruteqar­nera sam­meriar­tigu.

4. Sooq ilaan­nik­kut utoq­qaaner­tat qatan­ngutinik angutinik ilin­niar­titsinis­sar­tik kinguar­tit­tar­paat?

⁴ Sooq qatan­ngutinik angutinik ilagiin­neersunik ilin­niar­titsinis­samut pif­fis­saqar­niar­neq ajor­nakusoorsin­naava? Im­maqa ilaat ima eq­qarsar­put: ‘Ilagiin­nut tun­ngasut al­lat pingaaruteqar­nerul­lutil­lu piaar­tumik isumagineqar­tariaqar­put. Ingerlaan­naq al­lanik ilin­niar­titsin­ngin­nera ilagiin­nut sun­niuteqar­navian­ngilaq.’ Taman­nali ilumoor­pa? Isumagisas­sat al­lat ingerlaan­naq naam­mas­sineqar­tariaqarsin­naap­put. Qatan­ngutinil­li angutinik ilin­niar­titsinermik kinguar­titsinerit ilagiin­nut anersaak­kut ajor­tumik sun­niuteqarsin­naavoq.

5, 6. Biiliutil­lip biiliminik aserfal­latsaaliuinera qanoq ilin­niarfigisin­naavar­put, taman­nalu ilagiin­nik ilin­niar­titsinermut qanoq as­sersuusiarineqarsin­naava?

⁵ As­sersuusioriar­ta. Biiliutil­lip nalun­ngilaa biili aserfal­latsaalius­saguniuk uuliaa akut­toqatigiim­mik taarser­tariaqarlugu. Taamaak­kaluar­torli im­maqa orsersor­nis­saa pingaar­tin­nerus­savaa, taamaaliun­ngik­kunimi biili unit­tuus­sam­mat. Aam­ma ulapip­pal­laaruni uulialer­nis­saa kinguar­tis­sin­naavaa. Tas­sami biili ingerlaan­naq unit­toor­navian­ngim­mat. Taman­nali motoorerlior­titsilersin­naavoq. Biiliutil­lip pif­fis­san­ngoraangat biili uulialer­tan­ngik­kuniuk pif­fis­sap ingerlanerani ajoqusersin­naavoq. Naggataatigul­lu biili suliaritin­niarlugu pif­fis­saajaatiginerul­lugulu aningaasar­tuutiginerus­savaa. Tamatuma suna ilin­niutis­sar­taraa?

⁶ Utoq­qaaner­tat sulias­sat pingaarutil­lit isumagipal­lat­tariaqar­paat. Taamaaliun­ngin­neram­mi ilagiin­nut ajoqutaasin­naavoq. Biiliutil­lip biilimik orsiikulasariaqar­neratut utoq­qaaner­tat ‘suut pingaaruteqar­nerunersut qulak­keer­tariaqar­paat’. (Fil 1:10, NW) Utoq­qaaner­tal­li ilaat im­maqa suliamin­nik ulap­putigin­nip­pal­laar­ner­tik al­lanik ilin­niar­titsinis­samut pif­fis­saqarun­naas­sutigisin­naavaat. Tamatuma biilip uuliaanik taarsiin­ngin­nerup as­sigaa. Utoq­qaaner­tat qatan­ngutinik angutinik ilin­niar­titsinis­saq pimoorutin­ngip­pas­suk ilagiit qatan­ngutinik ilin­niar­tin­neqarluarsimasunik pisariaqar­titanik isumagin­nit­tus­sanik amigaateqalersin­naap­put.

7. Utoq­qaaner­tat ilin­niar­titsinis­samin­nut pif­fis­saqar­tar­tut qanoq isigin­nit­taaseqarfigisariaqar­pavut?

 ⁷ Taamaat­tumik ilin­niar­titsineq pingaaruteqan­ngitsutut isigin­ngisaan­naruk. Utoq­qaaner­tat ilagiit siunis­saan­nik soqutigin­nit­tut al­lanil­lu ilin­niar­titsinis­samin­nut pif­fis­saqar­tar­tut kif­faap­put silatuut qatan­ngutimin­nut pingaarutil­lit. (1 Petrusi 4:10 atuaruk). Ilagiin­niit­tut taman­na qanoq iluaqutigisar­paat?

8. (a) Suut pis­sutigalugit utoq­qaaner­tat al­lanik ilin­niar­titsisariaqar­pat? (b) Utoq­qaaner­tat pisariaqar­titsif­fiunerusumi kif­far­tor­tut sumik pingaarutilim­mik akisus­saaf­feqar­pat? (Ilan­ngus­saq “ Sulias­saq pingaarutilik” takuuk).

⁸ Al­laat utoq­qaaner­tat misilit­tagaq­qor­tuner­paat un­neq­qaril­lutik nas­suerutigisariaqar­paat utoq­qaliar­tor­nermin­ni inuusuk­kal­lar­nermis­sut iliuuseqar­tigisin­naan­ngin­ner­tik. (Rom 12:3) Utoq­qaaner­tat aam­ma ‘suut tamarmik nalaatsor­nik­kut pisar­tut’ pis­sutigalugit akisus­saaf­fim­min­nik isumagin­nin­nis­sar­tik saper­nar­tilersin­naal­lugu nas­suerutigisariaqar­paat. (Oqal 9:11, 12, 1990; Jaak 4:13, 14) Taamaat­tumik utoq­qaaner­tat Jehovap in­nut­taanik asan­nin­ner­tik isumas­suerusun­ner­til­lu pis­sutigalugit ukiut ingerlaneran­ni ilin­niarsimasatik qatan­ngutinut angutinut inuusut­tunut ingerlateq­qin­nis­saat pimoorut­tariaqar­paat. — Tussiaat 71:17, 18 atuakkit.

9. Siunis­sami pisus­saq suna pis­sutigalugu ilin­niar­titsineq pingaaruteqarluin­nar­pa?

⁹ Utoq­qaaner­tat al­lanik ilin­niar­titsisar­tut aam­ma ilagiit anersaak­kut nukit­torsar­nis­saan­nik sulis­sutigin­nit­tut erlin­nar­tutut isigineqar­put. Taman­na pis­sutigalugu qatan­ngutit angutit amerlanerusut ilagiit ataasioqatigiin­nis­saan­nut Guutimul­lu aalajaat­tuar­nis­saan­nut ikiuinis­samin­nut piareersimasin­naap­put. Taman­na ul­luni kingul­ler­ni pingaaruteqar­poq  an­nikil­lior­nar­tus­sarsuul­lu nal­liutingajalersup nalaani pingaaruteqarluin­nas­sal­luni. (Ez 38:10-12; Mika 5:4, 5) Taamaat­tumik asasar­put utoq­qaaner­taasutit, ullumikkumiit aal­lar­tit­tumik al­lanik ilin­niar­titsinis­san­nut pif­fis­saqar­tarit.

10. Utoq­qaaner­taq al­lanik ilin­niar­titsisin­naajumal­luni susariaqarsin­naava?

¹⁰ Ilagiin­nut tun­ngasunik pingaarutilin­nik isumagin­nin­nerit pis­sutigalugu ulap­puteqar­tar­nerit paasisin­naavar­put. Taamaat­tumik akisus­saaf­fin­nut taak­kunun­nga pif­fis­sap ator­tak­kavit ilaa al­lanik ilin­niar­titsinermut ator­tariaqarsin­naavat. (Oqal 3:1) Tamatumani pif­fis­san­nik atorluaanerit silatusaar­nerus­sal­lunilu taamaalior­nerit siunis­sami ilagiit iluaqutigis­savaat.

11. (a) Utoq­qaaner­tat nunanit as­sigiin­ngitsuneersut ilin­niar­titsinermut tun­ngatil­lugu siun­nersuutaat sooq soqutiginar­pa? (b) Us­satit 15:22 naaper­torlugu sooq utoq­qaaner­tat al­lat siun­nersuutaasa sam­minis­saat pingaaruteqar­pa?

¹¹ Ungasin­ngitsuk­kut utoq­qaaner­tat qatan­ngutinik al­lanik ilagiin­ni iliuuseqar­nerunis­samik ilin­niar­titsinermi angusaqarluarsimasut qanoq ilior­tar­nersut aperineqar­put. * Utoq­qaaner­tat tamarmik as­sigiin­ngitsunik atugaqaraluarlutik as­singusumik siun­nersuuteqar­put. Taman­na sumut up­per­narsaataava? Ilin­niar­tin­neqar­tunik Biibilimik tun­ngavilim­mik ilin­niar­titsineq ‘tamaginni ilagiis­suni tamani’ iluaqutaasoq. (1 Kor 4:17, 1936) Taamaat­tumik al­laaserisami matumani tul­liut­tumilu utoq­qaaner­tat taak­kua siun­nersuutaasa ilaat sam­mis­savavut. (Uss 15:22) Utoq­qaaner­tat ilin­niar­titsisutut qatan­ngutil­lu angutit ilin­niar­tin­neqar­tutut taaneqas­sap­put.

12. Ilin­niar­titsisoq susariaqar­pa, aam­ma sooq?

¹² Siul­ler­tut, ilin­niar­titsisup ilin­niar­titami uum­mataa piareersar­tariaqar­paa. Sooq taman­na pingaaruteqar­pa? Naatsiivilerisup naasus­sanik siaruar­terin­ngin­nermini is­sumik piareersaasar­neratut ilin­niar­titsisup pis­suserineqar­tus­samik ilin­niar­titsin­ngin­nermini ilin­niar­titami uum­mataa piareersar­tariaqaramiuk. Ilin­niar­titsisoq qanoq taamaaliorsin­naava? Itsaq ilin­niar­titsil­laq­qis­sup, pruf­fiitip Samuelip, maligas­siaa ilaarsin­naavaa.

13-15. (a) Jehovap Samueli qanoq peq­quaa? (b) Saulip sulias­saanut Samuelip qanoq piareersar­paa? (Al­laaserisap aal­laq­qaataani as­siliaq takuuk). (c) Sooq Biibilimi Samueli pil­lugu oqalut­tuaq ul­lumik­kut utoq­qaaner­tanut naleqangaar­pa?

¹³ Ukiut 3000-t sin­nerlugit matuma sior­na Jehovap pruf­fiiti Samueli utoq­qalisimasoq ima oqarfigaa: “Aqagu angum­mik Benjaminip nunaanit pisumik aal­lar­titsivigiumaar­pak­kit. Taan­na tanis­savat in­nut­tan­nut Israelimut naalagaanin­ngor­til­lugu.” (1 Sam 9:15, 16) Samuelip inuiaqatigiin­nik Israelik­kun­nik siulersuisuusus­saajun­naar­nini Jehoval­lu siulersuisun­ngor­tus­samik iver­titseq­qusinera paasivaa. Taamaat­tumik angutip piareersar­nis­saanut tun­ngatil­lugu qanoq ilius­sanerluni Samuelip eq­qarsaatigiler­paa pilersaarusiulerlunilu.

¹⁴ Aqaguani Samuelip Sauli naapim­magu Jehovap pruf­fiiti ima oqarfigaa: “Tas­sa angut ilin­nut oqaatigisara.” Samueli pilersaarusior­nermisut ingerlaan­naq iliuuseqar­poq. Sauli taas­sumalu kif­faa neriar­toq­quai. Taava is­siavin­nut pitsaaner­paanut ingeq­qoriarlugit neqimil­lu pitsaanersiuk­kamik tuneriarlugit Sauli ima oqarfigaa: “Neriniarit. Taan­na ilin­nut im­mik­koor­tin­neqarsimavoq pif­fis­samut tas­sungar­piaq.” Nerereeramik Samuelip Sauli angerlarsimaf­fim­minut  qaaq­quaa. Ater­til­lutik oqaloqatigiip­put. Samuelip angerlarsimaf­fianut pigamik in­nar­nis­sar­tik tikil­lugu ‘il­lup qaani oqaloqatigiip­put’ (1900). Aqaguani Samuelip Sauli taneriarlugu kunip­paa ilitsersoq­qilerlugulu. Tamatuma kingor­na Sauli pisus­sanut piareersimal­luni qimagup­poq. — 1 Sam 9:17-27; 10:1.

¹⁵ Samuelip Sauli tanil­lugu inuian­nut siulersuisun­ngor­tip­paa. Soorunami taman­na qatan­ngum­mik angum­mik utoq­qaaner­tan­ngor­nis­samik ilagiin­niluun­niit kif­far­tor­tun­ngor­nis­samik ilin­niar­titsinermit al­laanerul­luin­nar­poq. Taamaat­torli utoq­qaaner­tat Saulip uum­mataanik Samuelip piareersaanera as­sigiin­ngitsor­pas­suar­tigut pingaarutilin­nik ilin­niarfigisin­naavaat. Taak­kua ilaat marluk sam­meriar­tigit.

16. (a) Israelik­kut kun­ngeqarusulermata Samueli qanoq misigiva? (b) Sauli taneq­qul­lugu Jehovap oqarfigim­mani Samueli sua?

¹⁶ Nangaanak kajumissuseqarit. Samuelip Israelik­kut inum­mik kun­ngeqarusuler­nerat tusaq­qaaramiuk pakatsil­lunilu ajat­tor­neqar­tutut misigivoq. (1 Sam 8:4-8) Samuelip inuiaat kun­ngeqaler­nis­saat kis­saatigin­ngim­magu Jehovap pingasoriarluni Israelik­kun­nut tusar­naaq­qusariaqar­paa. (1 Sam 8:7, 9, 22) Samueli taamatut misigigaluarluni angut taarserluni siulersuisun­ngor­tus­saq sin­ngagiler­nagulu kamaatilin­ngilaa. Sauli taneq­qul­lugu Jehovap oqarfigim­mani Samueli nangaan­ngilaq. Naalat­tariaqar­nini pis­sutigiin­nar­nagu Jehovali asagamiuk kajumil­luni naalap­poq.

17. Ul­lumik­kut utoq­qaaner­tat Samueli qanoq ilaar­tar­paat, taamaalior­ner­til­lu sooq nuan­naarutigisar­paat?

¹⁷ Ul­lumik­kut utoq­qaaner­tar­pas­suit misilit­tagaqarluar­tut Samuelimik ilaarsil­lutil­lu asan­nil­lutik al­lanik ilin­niar­titsisar­put. (1 Petr 5:2) Utoq­qaaner­tat taak­kua inus­siar­nersut al­lanik ilin­niar­titsinis­samin­nut kajumis­suseqarlutil­lu ilagiin­ni im­mik­kut pisin­naatitaaf­fim­mik ilaan­nik ilin­niar­tin­neqar­tut akisus­saaf­filer­nis­saat an­nilaangatigineq ajor­paat. Paarlat­tuanik qatan­ngutit angutit taak­ku ‘suleqatimit­tut’, ilagiit pisariaqar­titaan­nik isumagin­nin­nermin­ni ikiuisus­satut, isigisar­paat. (2 Kor 1:24; Hebr 13:16) Utoq­qaaner­tal­lu nam­minis­sarsiun­ngitsut taak­kua ilin­niar­tin­neqar­tut Jehovap in­nut­taanik ikiuinermin­ni  pigin­naanermin­nik atuisut takul­lugit nuan­naarutigisar­paat. — ApS 20:35.

18, 19. Utoq­qaaner­tap qanoq ilin­niar­tin­neqar­tus­sap uum­mataa piareersarsin­naavaa, aam­ma sooq taman­na pingaaruteqar­pa?

¹⁸ Ilinniartitsisuuginnarnak ikinngutaagit. Pruf­fiitip Samuelip Sauli naapeq­qaaramiuk niaquagut uuliamik tanin­neratigut ingerlaan­naq kun­ngin­ngor­tis­simasin­naagaluar­paa. Taamaaliorsimasuup­pat kun­ngin­ngor­toq tanin­neqareeraluarluni Guutip in­nut­taanik siulersuinis­samut piareersimas­san­ngik­kaluar­poq. Paarlat­tuanik Samueli Saulip uum­mataata sulias­samut piareersar­nis­saanut pif­fis­saqarluar­poq. Aatsaat nereqatigeereer­nerup, pisut­tuaqatigeereer­nerup, sivisuumik oqaloqatigeereer­nerup qasuersaareer­nerul­lu kingor­na pruf­fiiti misigivoq Saulip tanin­neqar­nis­saanut pif­fis­san­ngor­toq.

¹⁹ Ul­lumik­kut aam­ma taamaap­poq. Utoq­qaaner­tap qatan­ngut angut ilin­niar­tin­neqar­tus­saq ikin­ngutigiler­niaq­qaar­tariaqar­paa. Pis­sutsit atugarineqar­tut kulturilu ilin­niar­tin­neqar­tus­saq ikin­ngutigiler­niarlugu iliuuserisas­saanut aalajangiisuusin­naap­put. Sumiik­kaluaruil­luun­niil­li ulapit­tuugaluarlutit ilin­niar­tin­neqar­tus­sap ilagisar­nis­saanut pif­fis­saqar­tar­nerit soqutigineqar­tutut misigilis­sutigis­savaa. (Romamiut 12:10 atuaruk). Ilin­niar­tin­neqar­tup ilin­nit asan­nit­tumik isumas­sor­neqar­nini ilin­niar­tin­neqar­ninilu qujamasuutigingaas­sagaa qular­nan­ngilaq.

20, 21. (a) Ilin­niar­titsil­laq­qis­soq pil­lugu qanoq oqar­toqarsin­naava? (b) Al­laaserisami tul­liut­tumi suna sam­mis­savar­put?

²⁰ Ilin­niar­titsil­laq­qis­sup al­lanik ilin­niar­titsis­sal­luni nuan­narisar­paa. Ilin­niar­titsil­laq­qis­sul­li aam­ma ilinniartitani asasariaqar­paa. (Johan­nesi 5:20 naleq­qiuguk). Sooq taman­na pingaaruteqar­pa? Ilin­niar­tin­neqar­toq ilin­nit isumas­sor­neqar­tutut misigiguni ilin­niar­tin­neqar­nis­saminut kajumis­suseqar­nerus­sagami. Taamaat­tumik utoq­qaaner­taasusi, ilin­niar­titsisuunis­saq taamaal­laat sulis­sutiginagu aam­ma ikin­ngutaal­luar­nis­sarsi sulis­sutigisiuk. — Uss 17:17; Joh 15:15.

²¹ Utoq­qaaner­taq ilin­niar­tin­neqar­tus­sap uum­mataanik piareersaareeruni ilin­niar­titsilersin­naavoq. Utoq­qaaner­tap ilin­niar­titseriaatsit suut atorsin­naavai? Taman­na al­laaserisami tul­liut­tumi sam­mis­savar­put.