NAPASULIAQ ALAPERNAARSUIFFIK – ATUAQQISSAARUTISSAQ Februaari 2015

Atuagassiami matumaniipput allaaserisat 2015-imi apriilip arfernanniit maajip pingajuannut aallaqqaataanut atuaqqissaaqatigiissutigineqartussat.

Jiisusitut makitajuitsuullutillu nallittuisuugit

1 Petrusi 2:21-mi Jiisusip tumaanik atuaaqquneqarpugut. Naammalluinnanngitsuugaluarluta qanoq Jiisusitut makitajuitsuullutalu nallittuisuusinnaavugut?

Jiisusitut sapiissuseqarlutillu naliliisinnaassuseqarit

Biibili Jiisusimik ilisimannilernissatsinnut iluaqutaavoq. Sapiissuseqarnikkut naliliisinnaassuseqarnikkullu Jiisusi qanoq ilaarsinnaaneripput eqqarsaatigiuk.

Jehovap ‘ajoqersuutaanut’ inuiaat piareersarneqarnerat

Kristumiut oqaluussinerminni qanoq iluatsilluartigippat? Sooq ukiuni 100-kkunni kristumiut siulliit oqaluussinerat ajornannginnerulerpa?

Jehovap ajoqersuinitsinni siulersorpaatigut

Ukiuni kingullerni Jehovap kiffaasa nutaarsiassap nuannersup kinguneqarluartumik nunarsuaq tamakkerlugu oqaluussissutiginissaanut suut iluaqutigisimavaat?

Japanimiunut tunissut

Atuagaq nutaaq ‘Biibili — Matthæusip iivangkiiliua’-nik qulequtalik Japanimi saqqummersinneqarpoq. Suut allaanerussutigai? Sooq saqqummersinneqarpa?

Oqaluussininni aallussilluartuarit

Nalunngilarput nutaarsiassamik nuannersumik oqaluussissutiginninneq ullumikkut suliassanit tamanit pingaarnerpaasoq. Oqaluussinitsinni qanoq aallussilluartuarsinnaavugut?