Pamela ima nas­suiaavoq: “Kræftimut katsorsar­neqar­nin­ni an­nilaangasaqaanga. Jehovamul­li qinugaangama eq­qis­sisar­punga eq­qarsarluarsin­naaler­tarlungalu. An­niaan­navit­tuugaluarlunga qinuneq iluaqutigalugu isumal­luar­tuusin­naavunga. Qanoq in­nersunga aperineqaraangama ima akisar­punga: ‘Peq­qin­ngilanga, nuan­naar­pungali!’”

Inuunermi navianar­torsiuleraangat­ta aatsaat qinusas­saagut? Soorunami naamik. Tamat­tami an­nikitsutigut an­ner­tuutigul­lu ajor­nar­torsior­tar­pugut ikior­neqar­tariaqar­tutul­lu misigigajul­luta. Qinuneq iluaqutaasin­naava?

Biibilimi ima al­las­simasoqar­poq: “Naner­tuutigisat Naalak­kamut tun­niuguk, taava isumagiumaar­paatit. Iluar­toq patajatin­ngisaan­nas­savaa.” (Tus­siaat 55:23) Taman­na tup­pal­ler­nangaarami! Taavami qinuneq qanoq iluaqutigisin­naaviuk? Guutip qinunermut najoq­qutas­siis­sutai naaper­torlugit qin­nuigigutsin­ni ajor­nar­torsiutit­ta naam­magalugu ator­nis­saanut nukis­saqar­tis­savaatigut. – Ungalusaq “ Qinunerup iluaqutis­sar­tai” takuuk.