Inuusut­tuaran­ngorama Jehovamut asan­nin­nera ajoraluar­tumik nil­ler­tik­kiar­tor­poq. Atuaqatik­ka kil­lilersor­neqar­pasin­ngitsut usorisaler­pak­ka. Misigivungami angajoq­qaak­ka kil­lilersuival­laar­tut kristumiutul­lu najoq­qutas­siat ingasap­pal­laar­tut. Naggataatigut Jehovamut kif­far­tor­neq ar­tor­nar­tutut isigisaler­para. Jehovap piunera apeq­qusin­ngisaan­naraluarlugu ikin­ngutitut isigin­ngilara.

Taamaak­kaluar­toq oqaluus­sisarun­naavin­ngilanga. Oqaluus­sil­latuaraangamali piareersarsimaneq ajorama angusaqar­pal­laar­neq ajor­punga. Tamatuma kingunerisaanik oqaluus­sineq nuan­nariun­naaralut­tuin­nar­para. Eq­qarsar­tar­punga: ‘Qanoq oqaluus­siuar­toqarsin­naagami?’

17-inik ukioqarlunga nam­mineerusungaalerama Australiamut nuun­niarlunga aalajanger­punga. Taman­na angajoq­qaama ar­torsaatigaat. Er­numagaluarlutik Jehovamut kif­far­tor­tuar­nis­sara qularin­ngilaat.

Australiami anersaak­kut ingerlanerlior­neruler­punga. Qaqutik­kuin­naq ataatsimiigiar­taler­punga, inuusut­tul­lu ataatsimiigiar­taraluarlutik imer­niar­tarfin­nut  qitigiar­tar­tut ilagisaler­pak­ka. Maan­na takusin­naavara taamanik­kut sal­lusuis­sum­miin­niarlungalu silarsuarmiin­niarsarisimasunga. Arlaan­naal­luun­niil­li nalerisimaalis­sutigin­ngilara.

Ukiut marluk mis­saat qaangium­mata qatan­ngutit ar­nat sisamat kisimiit­tut ineqatigitil­lugit ilagiin­nik nak­kutil­liisoq nulialu, Tamara, sapaatip-akun­nera ataaseq inisimasoraagut. Tamarap sianigin­ngisaminik inooriaasera pil­lugu eq­qarsar­tiler­paanga. Uini ilagiin­nut tun­ngasunik suliaqaraangat Tamarap angerlarsimaqatigisar­paatigut. Il­lar­taqaagut. As­sut ilak­kuminar­poq oqaloqatigiuminarlunilu. Eq­qaamavara inuup anersaak­kut pingaar­titsingaar­tup taama nuan­ner­tigisin­naanera tupigusuutigalugu.

Tamarap sal­lusuis­sum­mik oqaluus­sinermil­lu nuan­narisaqar­nera ersareqaaq sun­ner­tin­naqalunilu. Uanga pimoorus­sinanga kif­far­tor­nin­ni nuan­naan­ngitsunga taas­suma sapin­ngisaminik iliuuseqar­nini nuan­naarutigivaa. Isumal­luar­tuunera piviusumil­lu nuan­naar­nera sun­ner­tis­sutigeqaara. Maligas­siuinerata eq­qaasip­paanga Jehovap kis­saatigigaa tamat­ta tipaatsul­luta qiim­mat­tarlutalu kif­far­torfigis­sagitsin­ni. – Tuss 100:2.

Tamaratut nuan­naarusup­punga, taamatul­li nuan­naalis­saguma al­lan­nguerujus­suar­tariaqar­punga. Sivisuumik al­lan­nguiniarsarivunga. Aal­laq­qaam­mut oqaluus­sinis­samut piareersar­taler­punga ikior­ti-pioneriul­lat­taasalerlungalu. Taamaalior­nera an­nilaangasarun­naamis­sutigaara im­minul­lu tatiginerulis­sutigalugu. Aam­ma oqaluus­sinin­ni Biibili ator­nerusalerak­ku oqaluus­sinera nuan­narineruler­para. Taava sivitsun­ngitsoq qaam­matit tamaasa ikior­ti-pioneriusaler­punga.

Sal­lusuis­sum­mi ingerlal­luar­tut Jehovamul­lu kif­far­tor­nermin­nik nuan­naarutigin­nit­tut ukiui apeq­qutaatin­nagit ilagisaler­pak­ka. Taak­ku maligas­siuil­luar­nerat pis­sutigalugu inuunin­ni suna pingaar­ner­paatik­kusun­nerlugu eq­qarsaatigisaler­para, aam­ma ul­lut tamaasa Biibilimik atuar­taler­punga. Oqaluus­sineq nuan­narileralut­tuin­narak­ku pioneritut kif­far­tuler­punga. Ukior­pas­suar­ni taamatut misiginikuunanga ilagiin­niin­nera nuan­naarutigiler­para toq­qis­sisimanar­tilerlugulu.

Ukioq ataaseq qaangium­mat Alex naapip­para. Taan­na angutaavoq inus­siar­nersoq, Jehovamik asan­nit­toq oqaluus­sinermil­lu nuan­narisaqar­toq. Taamanik­kut ukiuni arfinilin­ni pionerioreersimavoq ilagiin­nilu kif­far­tor­tuul­luni. Aam­ma Malawimi oqaluus­sisar­tunik pisariaqar­titsisoqarmat taakunga oqaluus­siar­torsimavoq. Taakaniin­nermini ajoqersuiar­tor­titat maligas­siuil­luar­tut suleqatigisarsimavai, taak­kualu kajumis­saar­tarsimavaat inuunermini Jehovamut kif­far­tor­neq pingaar­ner­paatit­tuaq­qul­lugu.

2003-mi Alexilu katip­pugut taamanimiil­lu pif­fis­saq tamaat kif­far­toqatigiil­luta. Jehovap nuan­nersor­pas­suar­nik ilin­niar­tit­tar­paatigut as­sigiin­ngitsor­pas­suar­tigul­lu pil­luaq­qusarluta.

2009-mi Timorimut Kangil­lermut ajoqersuiar­tor­titatut aal­laq­quneqar­pugut. Timori Kangil­leq Indonesiap ungasin­ngisaani qeqer­tamiip­poq. Aal­laq­quneqarat­ta tupaal­lap­pugut, pis­sangaam­mer­pugut an­nilaajal­lal­lutalu. Qaam­matit tal­limat qaangium­mata Timorimi Kangil­lermi il­loqarfiit pingaar­nersaan­nut, Dilimut, tikip­pugut.

Nuuf­figisatsin­ni inuuneq sungiusimasatsin­niit al­laaneroqaaq. Sungiun­niagas­sar­pas­suaqar­pugut, soorlu kulturi, oqaatsit, nerisas­sat ul­luin­nar­nilu atuk­kat. Aam­ma oqaluus­sinitsin­ni inuit naapitat­ta atugaat al­laanerup­put. Amerlasuut piitsuup­put, ilin­niagakitsuup­put naqisimaneqarlutil­luun­niit. Aam­ma sorsun­nerit pinerlut­tulior­neril­lu kingunerisaan­nik timik­kut misigis­sutsik­kul­lu ikiler­neqarsimasut amerlaqaat. *

Oqaluus­siner­pul­li nuan­neqaaq! As­sersuutigalugu Maria, * niviarsiaraq 13-inik ukiulik, taamaal­lunga aliasut­toq naapip­para. Anaanaa ukiualuit tamatuma sior­na toqusimavoq, ataatanilu qaqutik­kut  takusar­paa. Meerar­pas­suit al­lat as­sigalugit Maria inuunermini anguniagaqan­ngilaq. Eq­qaamavara ilaan­ni qiaatigaluni misigis­sutsiminik an­nis­suif­figigaanga. Oqaatsil­li atugai suli ilik­kar­nikuun­ngin­nak­kit oqaasii paasin­ngilak­ka. Taamaat­tumik Jehovamut qinul­lunga qiim­mas­sar­nis­saanut ikioq­quvunga. Taava al­las­simaf­fin­nik tup­pal­lersaataasunik atuf­fatiler­para. Ukiualuit ingerlanerini Maria Biibilimi ilik­kak­kani kajumis­sis­sutigalugit pis­susiminik, isik­kuminik inuunerminil­lu al­lan­nguisoq malin­naavigaara. Taava imermut morsutsin­neqar­poq, maan­nak­kul­lu nam­mineq Biibilimik atuaq­qis­saaqateqar­tar­poq. Maan­na Maria anersaak­kut ilaqutar­pas­suaqar­poq, asaneqar­tutul­lu misigivoq.

Jehovap Timorimi Kangil­lermi oqaluus­sineq pil­luaq­quaa. Naak tas­sani nalunaajaasut amerlanersaat ukiut qulit kingul­liit iluini imermut morsutsin­neqarsimagaluarlutik amerlasuut pioneriup­put, ilagiin­ni kif­far­tor­tuup­put utoq­qaaner­taal­lutil­luun­niit. Al­lat nutserivim­mi kif­far­tor­put Biibililersaarutinil­lu oqaatsinut Timorimi Kangil­lermi ator­neqar­tar­tunut nutsereqataasarlutik. Ataatsimiin­ner­ni erinarsoqataasut tusaagaangak­kit, qungujulasut takugaangak­kit anersaak­kul­lu siumukarsimanerat maluginiaraangak­ku nuan­naar­taqaanga.

Timorimi Kangil­lermi inuuneq Australiami inuunermit al­laaneroqaaq, pil­luar­naqaarli. Angalagaangat­ta ilaan­nik­kut bus­sit inun­nik, aalisak­kanik paner­tunik naatitar­pas­suar­nil­lu ulik­kaar­tut ilaaf­figisar­pagut. Aam­ma atuaq­qis­saaqatit­ta ilaat kiat­tunik, isugutat­tunik natilersugaan­ngitsunil­lu angerlarsimaf­feeraqar­put, atuaq­qis­saaraangat­talu kuk­kukuut sumi tamaani ar­pasukaar­tar­put. As­sigiin­ngitsunil­li unam­miniar­nar­toqar­taraluar­toq ima eq­qarsak­kajut­tar­punga: ‘Kaar, inuuner­put nuan’!’

Kingumut qiviaraangama qujamasut­taqaanga, angajoq­qaamami sapin­ngisamin­nik Jehovap aq­qutigeq­qusaanik ilin­niar­tit­tar­nikuuaan­nga tapersersor­tarlungalu, al­laat inuusut­tuaraal­lunga ingerlanerlior­nerma nalaani. Us­satit 22:6 uan­nut eq­quup­poq. Anaanap ataatal­lu marluul­lutik Alexilu tul­luusimaarutigaatigut, Jehovamim­mi ator­neqarluar­ner­put nuan­naarutigivaat. 2016-imiit maan­namut Alexilu im­mik­koor­tor­taqarfim­mi Australasiami ilageeqatigiin­ni angalasar­tutut kif­far­tor­pugut.

Oqaluus­sinerup nuan­narin­ngin­nikuunera up­periuminaatsip­para, maan­nami nuan­nareqaara! Pif­fis­sap ingerlanerani paasiar­tor­nikuuara inuunermi qanorluun­niit atugaqaraluarluni aatsaat Guutimut kif­far­tor­nermi sapin­ngisamik iliuuseqaraan­ni piviusumik nuan­naar­toqarsin­naasoq. Ilumum­mi, ukiut 18-it kingul­liit inuunin­ni nuan­ner­ner­paajup­put, ukiunimi taak­kunani Alexilu ilungersorluta Jehova kif­far­torfigaar­put. Daavip tus­siaasiamini Jehovamut oqaasiisa ukua ilumoor­nerat maan­na paasisin­naaler­para: “Ilin­ni qimar­nguf­fis­sarsior­tut tamarmik nuan­naas­sap­put, qiim­mat­tas­sap­put naas­saan­ngitsumik, ... il­lil­lu atin­nik asan­nit­tut tipaatsuutigis­savaatsit.” – Tuss 5:12.