„Paasisaqarnerorusuppunga“

ANGUTIP USA-mi Coloradomeersup 1993-imi decembarimi atuagassiamik matuminnga naqiterisitsisut taama allaffigisimavai. Ima nassuiaavoq:

„Naak inuit amerlanersaasa uanga upperisarsiortutut isigissanngikkaluaraannga isumaqartuaannarpunga inuuneq manna ulluinnarnisut inuunitsinni takusartakkatsinnit tusartakkatsinnillu imaqarnerusariaqartoq. Uppersuseqartuaannarsimavunga naak upperisarsioqatigiit aalajangersimasut attaveqarfiginngikkaluarlugit.

Ungasinngitsukkulli artornaqisunik atugaqarpunga anigornissaanut qamuuna naammattumik nukissaqarfiginngisannik. Angerlarsimaffinni suliffinnilu ajornartorsiutikka annertusiartuinnarsimapput siornatigut misigisimanngisaannakkannik isumakululerlunga . . .

Tupinnartumilli, isumakululeruttorfinni, atuagassiaatissi ilaannik pisiniarfissuit eqqaanni nassaarpunga. Ataataq Illernartoq pillugu saqqummiussasi nutaannguallannaqaat, sulilu paasisaqarnerorusuppunga, nalornivungali kikkut saaffigissallugit.

Jehovap Nalunaajaasui upperisaallu pillugit paasisaqarnerutissinnaagussinga qujamassussaqaanga. Soorlu eqqaareeriga isumakululeruttorninni atuagassiaatissi ilaannik nassaarama tupigusoqaanga — imaassinnaavoq Guutip taama pisoqartikkaa.“

Angut taanna atuakkamik Jehovap nalunaajaasuisa Biibili tunngavigalugu upperisaannik imalimmik pâratîsime nuname nâgssáungitsumik inûsínauvutit-mik nassinneqarpoq. Illit atuagaq tamanna 256-inik quppernilik qeratasuumik ungalulik kissaatigigukku imaluunniit angerlarsimaffinni akeqanngitsumik Biibilimik atuaqqissaaqatigineqarusukkuit uunga allassinnaavutit: Napasuliaq Alapernaarsuiffik, Box 248, 3900 Nuuk.