MAWONI MA BIBILIA
Ũtharia
Ũtharia nĩ ũrathũkia famĩlĩ nyingĩ, o na gũtuĩka wĩhokeku thĩinĩ wa kĩhiko nĩ ũrarĩrĩrio mũno kũndũ kũingĩ.
Ũtharia nĩ kĩĩ?
MAWONI MA ANDŨ
Thĩinĩ wa ũndũire wa andũ amwe, gũkomania nja wa kĩhiko gũtionekaga arĩ ũũru, kaingĩ hĩndĩ ĩrĩa mũthuri nĩwe ũreka ũguo. Amwe nao mationaga kĩhiko ta kĩrĩ gĩa gũtũũra.
ŨRĨA BIBILIA YUGAGA
Bibilia yonanagia atĩ ũtharia nĩ gĩĩko kĩa ngomanio ya kwĩyendera kĩa mũthuri kana mũtumia ũrĩ thĩinĩ wa kĩhiko hamwe na mũndũ matahikanĩtie nake. (Ayubu 24:15; Thimo 30:20) Ngai nĩ athũire ũtharia mũno. Mũndũ angĩatharirie hĩndĩ ya Aisiraeli no kũragwo oragagwo. (Maũndũ ma Alawii 18:
NĨKĨ ŨNDŨ ŨYŨ NĨ MŨRITŨ?
Mũndũ ũgũtharia akoragwo akiuna mwĩhĩtwa ũrĩa eehĩtire makĩhikania. Ningĩ gũtharia nĩ ‘kwĩhĩria Ngai.’ (Kĩambĩrĩria 39:
“Ũhoro wa kũhikania nĩwĩkĩrĩrũo nĩ andũ othe, na gũkomania kwa arĩa mahikanĩtie nĩgũtuwo ũndũ mũthingu.”
—Ahibirania 13:4.
Hihi ũtharia nĩ ũtharagia kĩhiko?
ŨRĨA BIBILIA YUGAGA
Bibilia nĩ ĩtĩkĩrĩtie mũndũ ũrĩ thĩinĩ wa kĩhiko kũniina kĩhiko gĩake angĩkorũo ũrĩa mahikanĩtie nake nĩ atharĩtie. (Mathayo 19:9) Ũguo nĩ kuuga atĩ, ũrĩa ũtarĩ na mahĩtia ma ũtharia arĩ na kĩhooto gĩa kwĩyamũrĩra kana nĩ egũthiĩ na mbere gũtũũrania na ũrĩa ũtharĩtie kana nĩ ekũmũtiga. Itua rĩu nĩ rĩa mũndũ kĩũmbe.
O na kũrĩ ũguo, kũringana na Ngai, kĩhiko nĩ gĩtheru na nĩ gĩa gũtũũra. (1 Akorintho 7:39) Ngai nĩ athũire mũndũ ũgũtigana na ũrĩa mahikanĩtie nake nĩ ũndũ wa itũmi itarĩ na kũrĩa irĩ, ta hihi mũndũ kũigua atekũiganĩra nĩ ũrĩa mahikanĩtie nake. Kwoguo, itua rĩa gũtigana nĩ iritũ.
“Ngũmwĩra atĩrĩ, atĩ o mũndũ ũrĩa ũngĩte mũtumia wake, tiga o ũndũ wa ũtharia, nĩegũtũma atuĩke mũtharia.”
—Mathayo 5:32.
Hihi mũndũ ũtharĩtie no oherũo?
ŨRĨA BIBILIA YUGAGA
Ĩĩ. Bibilia yugaga atĩ Ngai nĩ ohagĩra arĩa meriraga na makagarũrũka na magatigana na mehia mao, o hamwe na ma ũtharia. (Atũmwo 3:19; Agalatia 5:
Ngai nĩ oheire Mũthamaki Daudi wa Isiraeli. Daudi aatharirie na mũtumia wa mũthigari ũmwe wa mbũtũ yake. (2 Samueli 11:
ŨRĨA ŨNGĨKA
Angĩkorũo nĩ ũtharĩtie, nĩ ũkũbatara kũria Ngai na ũrĩa mũhikanĩtie nake makuohere. (Thaburi 51:
Angĩkorũo ũrĩa mũhikanĩtie nake nĩwe ũtharĩtie, ririkana atĩ Ngai nĩ aramenya ũrĩa ũraigua. (Malaki 2:
Rĩrĩa Daudi eeririre thutha wa gũtharia, mũnabii Nathani aamwĩrire ũũ: “Jehova nĩakwehereirie wĩhia ũcio waku.”
—2 Samuel 12:13.