Thaburi 27:1-14
Thaburi ya Daudi.
27 Jehova nĩwe ũtheri wakwa+ o na ũhonokio wakwa.
Ingĩgĩĩtigĩra ũ?+
Jehova nĩwe mwĩgitio wa muoyo wakwa.+
Ingĩkĩmakio nũũ?
2 Rĩrĩa andũ arĩa oru maatharĩkĩire nĩguo matambure nyama cia mwĩrĩ wakwa,+Arĩa manjũkagĩrĩra o hamwe na thũ ciakwa nĩo maahĩngirũo makĩgwa.
3 O na mbũtũ ĩngĩamba hema nĩguo ĩnjũkĩrĩre,Ngoro yakwa ndĩngĩĩtigĩra.+
O na mbaara ĩngĩtuthũka nĩguo njũkĩrĩrũo,O na hĩndĩ ĩyo-rĩ, ingĩikara ndĩ na ũmĩrĩru.
4 Nĩ harĩ ũndũ ũmwe hoete JehovaNa nĩguo ndĩrĩcaragia,Atĩ ndũũre nyũmba-inĩ ya Jehova matukũ mothe ma ũtũũro wakwa,+Nĩgetha ndĩĩyonagĩre wega wa JehovaNa ngeroragĩra hekarũ yake* ndĩ na gĩkeno.*+
5 Tondũ mũthenya wa ũũru wakinya nĩ akaahitha gĩikaro-inĩ gĩake;+Nĩ akaahitha handũ ha hitho hema-inĩ yake;+Akaanjiga igũrũ rĩa rwaro rwa ihiga.+
6 Rĩu mũtwe wakwa nĩ ũtũũgĩrĩte igũrũ rĩa thũ ciakwa iria indigicĩirie;Nĩ ngũruta magongona hema-inĩ yake ngĩanagĩrĩra na gĩkeno;Nĩ ngũina nyĩmbo ngooce Jehova.
7 Atĩrĩrĩ Jehova, thikĩrĩria rĩrĩa ndĩragũkaĩra;+Nyonia ũtugi na ũnjigue.+
8 Ngoro yakwa nĩ yarĩtie handũ-inĩ haku ĩkoiga ũũ:
“Cariai ũthiũ wakwa.”
Atĩrĩrĩ Jehova, nĩ ngũcaria ũthiũ waku.+
9 Ndũkahithe ũthiũ waku kuuma harĩ niĩ.+
Ndũkaingate ndungata yaku nĩ ũndũ wa marakara maku.
Wee nĩwe mũteithia wakwa;+Ndũkanjeherere kana ũndiganĩrie, wee Ngai wa ũhonokio wakwa.
10 O na baba na maitũ mangĩndiganĩria,+Jehova nĩ ekũnyamũkĩra.+
11 Nduta njĩra yaku, wee Jehova,+Ndongoria njĩra-inĩ ya ũrũngĩrĩru nĩ ũndũ wa thũ ciakwa.
12 Ndũkaneane kũrĩ thũ ciakwa,+Tondũ nĩ njũkĩrĩirũo nĩ aira a maheeni,+Na nĩ mehotorete kũnjĩka maũndũ moru.
13 Ingĩrĩ kũ korũo ndiarĩ na wĩtĩkioAtĩ nĩ ngoona wega wa Jehova bũrũri-inĩ wa arĩa marĩ muoyo?*+
14 Wĩrĩgagĩrĩre Jehova;+Gĩa na ũmĩrĩru na ngoro yaku ĩkorũo na hinya.+
Atĩrĩrĩ, wĩrĩgagĩrĩre Jehova.
Tũũhoro twa magũrũ-inĩ
^ Kana “handũ hake harĩa hatheru.”
^ Kana “ngeroragĩra hekarũ yake ngĩĩcũranagia.”
^ Kana hihi, “Ti itherũ ndĩ na wĩtĩko atĩ nĩ ngona wega wa Jehova bũrũri-inĩ wa arĩa marĩ muoyo.”
