U Blei u kwah ïa ngi ban im junom ha ka jingsuk jingsaiñ ha ka pyrthei paradais!

Phi lah ban lyngngoh, ‘kumno kata ka lah ban long?’ Ka Baibl ka ong ba ka Hima jong U Blei kan pynurlong ïa ka, bad ka dei ka mon jong U Blei ba baroh ki briew kin tip shaphang kata ka hima bad ka jingthmu jong u ïa ngi.​—Salm 37:11, 29; Isaiah 9:7.

U Blei u kwah ba ngin pynmyntoi ïalade.

Kumba u kpa uba bha u kwah ïa kaba bha tam na ka bynta ki khun, u Kpa bneng jong ngi ruh u kwah ba ngin ïoh ïa ka jingkmen bymjukut. (Isaiah 48:17, 18) U la kular ba uta uba “leh ia ka mon U Blei u iaisah bymjukut.”—1 Ioannis 2:17.

U Blei u kwah ba ngin ïaid ha ki lynti jong u.

Ka Baibl ka ong ba U Nongthaw jong ngi u kwah ban “hikai ia ngi shaphang ki lynti jong u.” (Isaiah 2:2, 3) U la pynïaid ryntih ïa “u paitlang” na ka bynta ka kyrteng jong u, ban pynlong ïa ka mon jong u ha shityllup ka pyrthei.​—Kam 15:14.

U Blei u kwah ïa ngi ban ïatylli ha ka jingmane ïa u.

Ha ka jaka ban phiah ïa ki briew, ka jingmane bakhuid jong U Jehobah ka pynïatylli ïa ki ha ka jingieid. (Ioannis 13:35) Mynta, mano ba hikai ïa ki briew kylleng kylleng kumno ban shakri ïa U Blei ha ka jingïatylli? Ngi kyrpad ïa phi ban wad ïa kata lyngba ine i kot lyngkdop.