APTEELUNG FER KEFUNTNES UN FERLOERNES Ales was kefun kept, sol tsu te Apteelung fon Kefuntnes un Ferloernes kenom wëre. Wëns tuu was ferloer host, kee tsu tiise apteelung un suuch was teer keheert. Ferloerne khiner sole tsu tiise apteelung kenom wëre. Awer, fer khee propleeme se hon, tuu tayn khiner kuut uf phase un tuu se pay teer hale.

EYERSTE HILFE Erinert tich: penuts ti eyerste hilef ploos wëns nootwentich is.

FRAYWILICH TIINST Wëns tuu tich fraywilich aan piite wilst fer im konkrës se helfe, tuu tich in te Apteelung fer Informatsyoone un Fraywilich Tiinst aan mele.

INTIKATOORE Ti intikatoore sin too fer tich se helfe. Tuu tëne sayn orientiirunge aan nëme iwer plëtser reserwiire, uf tëm plats rom laafe, plëtser fer khare hiin xtele un anere tings woo mit tëm konkrës se tuun hot.

KONTRIPUYTSYOONE Tas hot fiil khost fer te konkrës in se richte, mit kexayte sitse, autio un wiiteo sisteem un fiil anere tings. Soo, khëne mer uns fraye too se sin, un tas heleft uns ticht pay Yeehoowa se khome. Tayn kontripuytsyoone helfe ti khoste se petsaale un tuut ti preetich aarwayt in te kans welt mit helfe. Fer tas, kepts kontripuytsyoone khaste in fiil xtele in tiise plats fom konkrës, woo taytlich itentifitsiirt sin. Tuu khanst aach kontripuytsyoone mache torich te site donate.jw.org. Yeete kontripuytsyoon hot fiil wëyert, un te Rechiirente Khërperxaft wil teer tanke fer tayn fraywiliche hilefe fer ti interese fon Kot sayn Raych mit se helfe.

SITSE Pite, tenk aan ti anere. Tuu khanst ploos plëtser reserwiire fer tii woo mit teer im khare reese, in tayn haus woone, orer fer tayn Piipel xtutente. Tuu niks uf ti sitse um tich rom leye, wëns tuu tii net penutse tuust.

TAAF Ti sitse woo reserwiirt sin fer tii woo sich taafe wole lose, sin uf am haupste plats foer tëm palk. Tii woo sich taafe lose, sole sich uf ti reserwiirte sitse setse eep ti taaf reet aan fangt, am samstaach moynt. Al sole sayn paat tuuch un kexayt paat tsaych pringe.

Xuul fer Preeticher fom Raych Pyoneere woo tswixich 23 un 65 yoere alt sin, woo mee im tiinst fer Yeehoowa mache wole, sin fer een fersamlung in kelaat fer kantitaate fer ti Xuul fer Preeticher fom Raych, woo am suntaach mitaach kehal wërt. Tas plats un ti uertsayt fon tiise fersamlung wëre foer heer pekhant kemacht.