Tanobada ibounai ai tahua gaukara idia karaia neganai, a taunimanima foa amo ta be sibona ia noho ena lalohisihisi ia mamia.

•   “Taunimanima ibounai, herevana mauri lagani be hida, eiava edeseni idia noho, sibona noho ena lalohisihisi do idia abia.”​—Chido Mpemba, cochair of the World Health Organization’s Commission on Social Connection.

 Haida idia laloa sibona noho ena lalohisihisi be buruka taudia eiava sibona idia noho taudia dekenai ia vara. To matamata taudia, goada taudia, gaukara namona idia karaia taudia, bona headava taudia ese idia mamia danu. Ma haida ida idia hebamo lasi bona sibona idia noho taudia be tauanina dalanai bona hemami dalanai dika idia davaria diba.

•   “Sibona ia noho ena lalohisihisi be hemami dikana ta sibona lasi.” Unai be U.S. surgeon general Dr. Vivek Murthy ena hereva. Ma ia gwau: “Haida ida hebamo lasi ena dika dainai idia mase taudia edia namba be dina ta ta lalonai siga 15 idia abia dainai idia mase taudia edia namba ida ia hegeregere.”

 Iseda Havaraia Tauna ia ura lasi sibona ita noho ena hisihisi ita mamia. Dirava ena ura be taunimanima ese hetura karana namona do idia moalelaia.

•   Baibel ena hakaua hereva: “Dirava ia gwau: ‘Tau be sibona ia noho be namo lasi. Lau ese ena durua tauna ta do lau karaia, ia do ia bamoa totona.’”​—Genese 2:18.

 Dirava ia ura ia ita tura henia. Ia gwauhamata ita kahirakahira do ia mai bema ita be ia kahirakahira ita lao.​—Iamesi 4:8.

•   Baibel ena hakaua hereva: “Dirava dibaia totona idia hitolo taudia be idia moale, badina guba Basileia be idia edia.”​—Mataio 5:3.

 Dirava ia ura ma haida ida ia ita tomadiho henia. Unai ita karaia neganai, do ita moale.

•   Baibel ena hakaua hereva: “Namona be ta ta ita laloa bada bona ita hagoadaia heheni, unai amo ita lalokau heheni bona kara namodia ita karaia. Iseda hebou karana ita rakatania lasi, . . . to ita hagoadaia heheni, bona unai kara do ita habadaia noho, badina umui itaia dina be ia kahirakahira noho.”​—Heberu 10:24, 25.

 Sibona noho karana ita dadaraia be mai anina bada, unai ena badina ita diba totona inai atikol duahia, “Loneliness in a World of Mass Connection.”