nahoom 3:1-19
3 dhikkar hai is khooni nagri par!
yah chhal-kapat aur loot ke maal se bhari hui hai,yah shikar karne se baaz nahin aati.
2 chaabuk ki aavaz aur pahiyon ki gadgadahat sunayi de rahi hai,ghode sarpat daud rahe hain aur rath dhaddhadate huye aa rahe hain.
3 ghudsavaar chale aa rahe hain, talvarein chamak rahi hain, bhaale chamchama rahe hain,badi taadad mein log mare pade hain, laashon ke dher lage hain,jahaan dekho vahaan laashein-hi-laashein hain.
woh laashon se thokar khaakaar chale jaa rahe hain.
4 yah sab us veshya ki badchalni ki vajah se hua hai,us sundar, man mohini ki vajah se, jo jaadoogari mein maahir hai,jisne apni badchalni se raashtron ko aur apni jaadoogari se kulon ko fansaya hai.
5 senaon ka parmeshvar yahova ailan karta hai,“dekh, main tere* khilaf hoon!+main tera ghaaghra tere munh tak uthaunga ki har raashtra tera nangapan dekheaur sab raajya tujhe beizzat hote dekhein.
6 main tujh par gandgi feinkoongaaur sab tujh par thoo-thoo kareinge.main sabke saamne tera tamasha banaunga.+
7 jo koi tujhe dekhega woh tujhse door bhaagega+ aur kahega,‘neenve tabah ho chuki hai!
kaun us par taras khaayega?’
tujhe dilasa dene ke liye main logon ko kahaan se laaun?
8 kya tu no-ammon* nagri se badhkar hai,+jo neel ki nehron ke kinare basi thi?+
woh to paani se ghiri thi,samundar uski daulat aur sheharpanah tha.
9 ithiyopiya aur misra uski apar shakti ka sota the,
libiya ke log aur put+ uske* madadgar the,+
10 fir bhi use bandi bana liya gayaaur paraye desh le jaaya gaya.+
uske bachchon ko har nukkad par patak-patakkar maar daala gaya,uske izzatdar aadmiyon par chitthiyaan daali gayinaur uske sabhi bade-bade logon ko bediyon mein jakda gaya.
11 tu bhi peekar dhutt ho jaayegi,+nazron se ojhal ho jaayegi,
dushmanon se bachne ke liye panah dhoondhegi.
12 magar tere sab gadh anjeer ke pedon jaise hain, jin par pehali fasal ke pake fal lage hain,agar pedon ko hilaya jaaye, to fal seedhe khaanevale ke munh mein jaa gireinge.
13 dekh! tere sainik abla naari ban jaayenge,tere desh ke faatak dushmanon ke liye khule pade raheinge,
tere faatkon ke bedon ko aag bhasm kar degi.
14 gherabandi ke liye taiyar ho jaa, paani bhar le,+
apne gadhon ko mazboot kar le,keechad mein jaa, mitti raundaur int banane ke liye saancha utha.
15 lekin fir bhi aag tujhe bhasm kar degi,talvar tujhe kaat daalegi,+woh nanhin tiddiyon ki tarah tujhe chat kar jaayegi.+
jaa, tu bhi tiddiyon ki tarah apni ginti badha le!
haan, nanhin tiddiyon ki tarah apni ginti badha le!
16 toone apne vyapariyon ko aasman ke taaron se bhi zyada badha liya hai.
nanhin tiddiyaan apna khol utaarkar furra ho jaati hain.
17 tere pehredar tiddiyon jaise hainaur tere adhikari tiddiyon ke jhund jaise hain,
jo thand ke din pattharon ki deevar mein jaa chhipte hain,lekin dhoop nikaalte hi ud jaate hainaur na jaane kahaan gaayab ho jaate hain.
18 hey ashshoor ke raja, tere charvahe ungh rahe hain,tere rutbedar aadmi gharon mein aaram farma rahe hain,
jabki tere log pahadon par titar-bitar hainaur unhein ikattha karnevala koi nahin.+
19 aanevali tabahi se tujhe koi raahat nahin milegi,tere zakhm kabhi nahin bhareinge.
jo koi tere baare mein sunega taaliyaan bajayega,+kyonki aisa kaun hai jis par toone zulm-pe-zulm na kiya ho?”+
