luka ke mutabik khushkhabri 8:1-56
-
yeeshu ke saath-saath jaanevali aurtein (1-3)
-
beej bonevale ki misal (4-8)
-
yeeshu ne misalein kyon di (9, 10)
-
beej bonevale ki misal ka matlab samjhaya (11-15)
-
deepak dhakkar nahin rakha jaata (16-18)
-
yeeshu ki maa aur uske bhaai (19-21)
-
yeeshu toofan shaant karta hai (22-25)
-
yeeshu dusht swargdooton ko sooaron mein bhejta hai (26-39)
-
yaair ki beti; ek aurat yeeshu ka kapda chhooti hai (40-56)
8 iske kuch samay baad yeeshu shehar-shehar aur gaanv-gaanv gaya aur logon ko prachar karta aur parmeshvar ke raaj ki khushkhabri sunata gaya.+ woh 12 chele uske saath the
2 aur kuch aurtein bhi thi, jinmein se dusht swargdoot nikaale gaye the aur unki beemariyaan door ki gayi thi. jaise, mariyam jo magdaleeni kehlati thi aur jismein se saat dusht swargdoot nikle the,
3 yoanna+ jo herodes ke ghar ke prabandhak khuza ki patni thi, susanna aur doosri kai aurtein. ye sabhi apni dhan-sampatti se yeeshu aur uske chelon ki seva karti thi.+
4 alag-alag shehron se aaye logon ke alava, jab ek badi bheed uske paas jama hui to usne unhein yah misal di:+
5 “ek beej bonevala beej bone nikala. jab woh bo raha tha, to kuch beej raaste ke kinare gire aur woh pairon tale raunde gaye aur aakash ke panchhi aakaar unhein khaa gaye.+
6 kuch chattani zameen par gire aur ankur futne ke baad sookh gaye kyonki unhein nami na mili.+
7 kuch aur beej kaanton mein gire aur unke saath-saath badhnevale kanteele paudhon ne unhein daba diya.+
8 magar kuch aur beej achhi mitti par gire aur ankur futne ke baad unse 100 guna fal paida hua.”+ ye baatein batane ke baad usne unchi aavaz mein kaha, “kaan lagakar suno ki main kya kah raha hoon.”+
9 magar uske chele usse poochhne lage ki is misal ka kya matlab hai.+
10 usne kaha, “parmeshvar ke raaj ke pavitra rehasyon ki samajh tumhein di gayi hai, magar baakiyon ke liye ye sirf misalein hi hain+ taaki woh dekhte huye bhi na dekh sakein aur sunkar bhi iske maayne na samajh sakein.+
11 is misal ka matlab yah hai: beej parmeshvar ka vachan hai.+
12 jo beej raaste ke kinare gire woh aise log hain jo vachan sunte hain, magar fir shaitan aata hai aur unke dilon se vachan utha le jaata hai taaki woh na to yakeen karein aur na hi uddhaar paayen.+
13 jo beej chattani zameen par gire, woh aise log hain jo vachan ko sunkar ise khushi-khushi sweekar karte hain, magar unmein jad nahin hoti. woh thode vakt ke liye yakeen karte hain, magar pareeksha ke vakt gir jaate hain.+
14 aur jo beej kaanton mein gire, woh aise log hain jo vachan sunte to hain, magar is zindagi ki chintayen, dhan-daulat+ aur aisho-aaram unhein bhatka deta hai+ aur woh inse poori tarah dab jaate hain aur achhe fal nahin paida karte.+
15 jo beej badhiya mitti par gire, woh aise log hain jinka dil bahot achha hai.+ woh vachan sunkar ise sanjoye rakhte hain aur dheeraj dharte huye fal paida karte hain.+
16 koi bhi deepak jalakar use bartan se nahin dhakta ya palang ke neeche nahin rakhta, magar deevat par rakhta hai taaki andar aanevalon ko raushni mile.+
17 aisa kuch nahin jo chhipa hai aur saamne na laaya jaaye, na hi aisi koi cheez hai jise badi saavdhani se chhipaya gaya ho aur jo kabhi jaani na jaaye aur khule mein na aaye.+
18 isliye dhyan do ki tum kaise sunte ho. kyonki jiske paas hai, use aur diya jaayega.+ lekin jiske paas nahin hai, usse woh bhi le liya jaayega jo use lagta hai ki uska apna hai.”+
19 fir yeeshu ki maa aur uske bhaai+ usse milne aaye, magar bheed ki vajah se woh us tak pahunch nahin paa rahe the.+
20 isliye use yah khabar di gayi, “teri maa aur tere bhaai baahar khade hain aur tujhse milna chahte hain.”
21 tab usne unse kaha, “meri maa aur mere bhaai ye hain, jo parmeshvar ka vachan sunte aur us par chalte hain.”+
22 ek din yeeshu aur uske chele ek naav par chadhe aur usne unse kaha, “aao hum jheel ke us paar chalein.” tab woh naav mein ravana ho gaye.+
23 magar safar ke dauran woh so gaya. tab jheel mein bhayankar toofan utha aur unki naav mein paani bharne laga, unki jaan khatre mein thi.+
24 chele uske paas aakaar use jagane lage, “guru, guru, hum naash honevale hain!” yeeshu ne uthkar aandhi aur ufanti lehron ko daanta aur woh shaant ho gaye aur sannata chhaa gaya.+
25 fir usne chelon se kaha, “kahaan gaya tumhara vishvas?” magar un par dar chhaa gaya aur woh taajjub karne lage aur ek-doosre se kehne lage, “aakhir yah kaun hai jo aandhi aur paani tak ko hukm deta hai aur woh uski maante hain?”+
26 fir woh kinare par giraseniyon ke ilake mein pahunche,+ jo us paar galeel ke saamne hai.
27 magar jab woh utaarkar kinare par aaya, to paas ke shehar ka ek aadmi usse mila jismein dusht swargdoot samaye the. woh bahot samay se bina kapdon ke ghoomta tha aur ghar mein nahin balki kabraon* ke beech rehta tha.+
28 jab usne yeeshu ko dekha to woh zor-zor se cheekhne laga aur uske aage girkar chillane laga, “hey yeeshu, param-pradhan parmeshvar ke bete, mera tujhse kya lena-dena? main tujhse binti karta hoon, mujhe mat tadpa.”+
29 (kyonki yeeshu us dusht swargdoot ko hukm de raha tha ki woh us aadmi mein se nikaal jaaye. dusht swargdoot ne kai baar us aadmi ko apne kabze mein kiya tha.*+ us aadmi ko baar-baar zanjeeron aur bediyon se baandha jaata tha aur uski pehredari ki jaati thi, magar woh un bandhanon ko tod deta. dusht swargdoot us aadmi ko bhagaye firta tha aur sunsan jagahon mein le jaata tha.)
30 yeeshu ne usse poochha, “tera naam kya hai?” usne kaha, “paltan,” kyonki usmein bahot saare dusht swargdoot samaye the.
31 woh usse binti karte rahe ki woh unhein athah- kund mein jaane ka hukm na de.+
32 vahin pahad par bahot saare sooar+ char rahe the. isliye dusht swargdooton ne yeeshu se binti ki ki woh unhein sooaron mein sama jaane de. aur usne unhein jaane diya.+
33 tab saare dusht swargdoot us aadmi mein se baahar nikaal gaye aur un sooaron mein sama gaye. tab sooaron ka poora jhund badi tezee se dauda aur pahad ki kagar se neeche jheel mein jaa gira aur saare sooar doobkar mar gaye.
34 jab sooar charanevalon ne dekha ki kya hua hai, to woh bhaag gaye aur unhonne jaakaar shehar aur dehat mein iski khabar di.
35 jo hua tha, use dekhne ke liye log aaye. jab woh yeeshu ke paas aaye to unhonne dekha ki woh aadmi jisse dusht swargdoot nikle the, kapde pehne aur bilkul theek dimagi haalaat mein yeeshu ke pairon ke paas baitha hai. yah dekhkar log bahot dar gaye.
36 jinhonne yah sab apni aankhon se dekha tha, woh logon ko batane lage ki jo aadmi dusht swargdooton ke kabze mein tha, woh kis tarah theek hua.
37 tab giraseniyon ke aas-paas ke ilakon se aayi bheed ne yeeshu se kaha ki woh unke yahaan se chala jaaye, kyonki unmein dar baith gaya tha. isliye yeeshu vahaan se jaane ke liye naav par chadh gaya.
38 tab jis aadmi se dusht swargdoot nikle the, woh yeeshu se baar-baar binti karne laga ki woh use apne saath aane de. magar yeeshu ne us aadmi ko yah kehkar bhej diya,+
39 “apne ghar laut jaa aur parmeshvar ne jo kuch tere liye kiya hai, woh sabko batata reh.” woh aadmi chala gaya aur poore shehar mein batane laga ki yeeshu ne uske liye kya kiya hai.
40 jab yeeshu is paar aaya, to bheed ne bade pyar se uska swagat kiya kyonki sab uska intazar kar rahe the.+
41 lekin tabhi vahaan yaair naam ka ek aadmi aaya, jo sabha-ghar mein aguvai karnevala ek adhikari tha. woh yeeshu ke pairon par girkar usse binti karne laga ki woh uske ghar chale.+
42 kyonki uski iklauti beti jo kareeb 12 saal ki thi marne par thi.
jab yeeshu jaa raha tha, to logon ki bheed use ghere huye saath-saath chalne lagi.
43 vahaan ek aurat thi jise 12 saal se khoon behene ki beemari thi+ aur woh kisi ke bhi ilaj se theek nahin ho paayi thi.+
44 usne peechhe se aakaar yeeshu ke kapde ki jhaalar ko chhua+ aur usi ghadi uska khoon behena band ho gaya.
45 tab yeeshu ne kaha, “kisne mujhe chhua?” jab sab inkar karne lage, to patras ne kaha, “guru, bheed tujhe dabaye jaa rahi hai aur tujh par gire jaa rahi hai.”+
46 fir bhi yeeshu ne kaha, “kisi ne mujhe chhua hai, kyonki main jaanta hoon ki mere andar se shakti+ nikli hai.”
47 jab us aurat ne dekha ki yeeshu ko pata chal gaya hai, to woh kaanpti hui aayi aur uske aage gir padi aur usne sab logon ke saamne bata diya ki usne kyon use chhua aur woh kaise fauran theek ho gayi.
48 tab yeeshu ne usse kaha, “beti, tere vishvas ne tujhe theek kiya hai. jaa, ab aur chinta mat karna.”+
49 jab woh bol hi raha tha, to sabha-ghar ke adhikari ke ghar se ek aadmi aaya aur kehne laga, “teri beti mar chuki hai. ab guru ko aur pareshan mat kar.”+
50 yah sunkar yeeshu ne us adhikari se kaha, “dar mat, bas vishvas rakh aur woh bach jaayegi.”+
51 jab yeeshu us ghar mein pahuncha to usne patras, yuhanna, yakub aur ladki ke maata-pita ke siva kisi aur ko apne saath andar nahin aane diya.
52 lekin sab log ro rahe the aur chhaati peette huye us ladki ke liye maatam mana rahe the. yeeshu ne kaha, “mat roo!+ ladki mari nahin balki so rahi hai.”+
53 yah sunkar woh uski khilli udane lage kyonki woh jaante the ki woh mar chuki hai.
54 fir yeeshu ne bachchi ka haath pakadkar kaha, “bachchi, uth!”+
55 tab us ladki mein jaan*+ aa gayi aur woh fauran uth baithi.+ yeeshu ne kaha ki ladki ko khaane ke liye kuch diya jaaye.
56 ladki ko zinda dekhkar uske maata-pita khushi ke maare apne aape mein na rahe. magar yeeshu ne unse kaha ki jo hua hai, woh kisi ko na batayen.+
