Be Biblu Plọnmẹ Vọjọ Wẹ Ya?
Gblọndo Biblu tọn
Lala, Biblu ma plọnmẹ vọjọ. Hogbe lọ “vọjọ” kavi linlẹn mọnkọtọn de ma tọ́n to Biblu mẹ. Nuyise jọmaku alindọn tọn ji wẹ nuplọnmẹ vọjọ tọn sinai do. a Ṣigba, Biblu plọnmẹ dọ gbẹtọ lọsu na ede wẹ yin alindọn podọ dọ alindọn nọ kú. (Jenẹsisi 2:7, nudọnamẹ odò tọn; Ezekiẹli 18:4) Eyin mẹde kú, e masọ nọ tin ba.—Jenẹsisi 3:19; Yẹwhehodọtọ 9:5, 6.
Vogbingbọn tẹwẹ tin to vọjọ po fọnsọnku po ṣẹnṣẹn?
Nuhe Biblu plọnmẹ gando fọnsọnku go ma sinai do jọmaku alindọn tọn ji. To fọnsọnku whenu, Jiwheyẹwhe na yí huhlọn etọn zan nado hẹn mẹhe ko kú lẹ gọwá ogbẹ̀. (Matiu 22:23, 29; Owalọ lẹ 24:15) Fọnsọnku ze todido lọ donukọnna mí nado gọwá ogbẹ̀ to aigba yọyọ de ji, fihe okú ma nasọ tin te ba.—2 Pita 3:13; Osọhia 21:3, 4.
Pọndohlan agọ̀ lẹ gando vọjọ po Biblu po go
Pọndohlan agọ̀: Biblu dọ dọ yẹwhegán Elija wẹ vọjọ taidi Johanu Baptizitọ.
Nugbo lọ: Jiwheyẹwhe dọ dọdai dọ: “Yẹn na do yẹwhegán Elija hlan mì,” podọ Jesu dohia dọ Johanu Baptizitọ wẹ hẹn dọdai ehe di. (Malaki 4:5, 6; Matiu 11:13, 14) Ṣigba, ehe ma dohia dọ Elija wẹ vọjọ taidi Johanu Baptizitọ. Johanu lọsu dọ dọ emi ma yin Elija. (Johanu 1:21) Kakatimọ, e wà azọ́n he nkọ Elija wà gbọn owẹ̀n Jiwheyẹwhe tọn lilá na mẹlẹ nado lẹnvọjọ dali. (1 Ahọlu lẹ 18:36, 37; Matiu 3:1) Podọ e yin didohia dọ Johanu na tindo “gbigbọ po huhlọn Elija tọn po” nkọ.—Luku 1:13-17.
Pọndohlan agọ̀: Vọjọ hodọ wẹ Biblu te to whenue e dọ yè dona yin “vivọji.”
Nugbo lọ: Biblu dohia dọ gbigbọ-liho wẹ yè nọ yin vivọji te podọ ehe nọ jọ to whenue mẹde gbẹ́ pò togbẹ̀. (Johanu 1:12, 13) Vọji ehe ma yin kọdetọn nuhe yè ko wà wayi lẹ tọn de, kakatimọ dona Jiwheyẹwhe tọn wẹ, he nọ zọ́n bọ mẹhe yin vivọji lẹ nọ tindo todido nujọnu tọn na sọgodo.—Johanu 3:3; 1 Pita 1:3, 4.
a Babilọni hohowhenu tọn mẹ wẹ nuplọnmẹ jọmaku alindọn tọn po vọjọ po tọn wá sọn. Nukọn mẹ wẹ tamẹnuplọnmẹtọ Inde tọn lẹ wá hẹn sinsẹ̀n-nuplọnmẹ Karma tọn wá. Sọgbe hẹ owe de, Karma yin “osẹ́n nude janwẹ nọ hẹn nude wá tọn, he dohia dọ nuhe mẹde do todin to gbẹwhenu etọn wẹ e na gbẹ̀n to ogbẹ̀ he na bọdego mẹ.” (Britannica Encyclopedia of World Religions)—Weda 913.
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Etẹwẹ E Zẹẹmẹdo Nado Yin Vivọji?
Be a dona yin vivọji whẹpo do lẹzun Klistiani wẹ ya?
NUPLỌNMẸ TANGAN BIBLU TỌN LẸ
Etẹwẹ Yin Ninọmẹ Oṣiọ lẹ Tọn?
Biblu dopà dọ ojlẹ de ja bọ mẹsusu na yin finfọnsọnku, kavi fọ́n sọn oṣiọ lẹ mẹ, kẹdẹdile Lazalọsi yin finfọn do.
GBLỌNDO NA KANBIỌ SINAI DO BIBLU JI LẸ
Etẹwẹ Alindọn Zẹẹmẹdo?
Be nude wẹ he to ohò towe mẹ ya? Be e na gbẹ́ togbẹ̀ eyin a kú godo ya?
GBLỌNDO NA KANBIỌ SINAI DO BIBLU JI LẸ
Etẹwẹ Fọnsọnku Zẹẹmẹdo?
Mẹhe na yin finfọnsọnku gọwá ogbẹ̀ lẹ sọgan paṣa we.
NUHE BIBLU PLỌN MÍ
Tẹ́n Tito Biblu Pinplọn Tọn Mítọn Pọ́n
A gán plọnnu vọnu hẹ mẹplọntọ de nukun sọ nukun nado mọ ayinamẹ sinai do Biblu ji lẹ yí.