Jọja dopodopo dona nọ kanse ede dọ, ‘Etẹwẹ n’na yí gbẹzan ṣie do wà?’ Yí sọwhiwhe do lẹnnupọndo yanwle gbẹ̀mẹ tọn towe lẹ ji dile a to video lọ pọ́n, ehe do vivẹnu he Andre to dido hia, yèdọ jọja de he yiwanna gbẹzan voovo awe. Detẹ wẹ e na joawuna to godo mẹ? Detẹ wẹ nọ hẹn ale wá hugan? Adà video lọ tọn delẹ bẹ hokansemẹ jọja he wá sọn otò voovo lẹ mẹ tọn hẹn bo na hẹn we lẹnnupọn to aliho devo mẹ.