NUHEWUTU E DO YIN NUJỌNU: 1 Kọlintinu lẹ yin dopo to wekanhlanmẹ 14 he apọsteli Paulu kàn nado na tuli Klistiani hatọ lẹ mẹ. Wekanhlanmẹ kinkan nọ namẹ dotẹnmẹ nado ṣinyan hogbe mẹtọn lẹ, podọ mẹhe mọ ẹn yí lọ gán hia ẹ whlasusu. Wekanhlanmẹ yin aliho dagbe de nado dekunnuna hẹnnumẹ lẹ po mẹyinyọnẹn lẹ po. E sọ yin aliho dagbe de nado dekunnuna mẹhe mí ma nọ penugo nado mọ nukun sọ nukun lẹ. Di apajlẹ, mẹde sọgan do ojlo hia, amọ́ yè ma nọ saba mọ ẹn to whégbè. E sọgan nọ vẹawu nado jẹ mẹdelẹ dè to aigba-denamẹ mítọn ji, na yé nọ nọ̀ owhé he yin hihọ́-basina taun lẹ gbè, fie mẹde poun ma nọ biọ domọ lẹ, kavi fie to olá lẹ wutu. Etẹlẹ wẹ a dona hẹn do ayiha mẹ, titengbe eyin a to wekanhlan mẹhe a ma yọnẹn de?

LEHE MÍ SỌGAN WÀMỌ DO:

• Dọ nuhe a na ko dọ eyin a mọ mẹlọ nukun sọ nukun. Dọ yinkọ towe to bẹjẹeji, bo dọ nuhewutu a do to owe lọ kàn. Kàn kanbiọ de sè he na hẹn mẹlọ nado lẹnnupọn bo dọ nọtẹn Intẹnẹt tọn mítọn na ẹn. Enẹgodo, dọhona ẹn gando tito Biblu pinplọn to Intẹnẹt ji tọn mítọn go, lehe mí nọ plọn Biblu hẹ mẹlẹ to owhé yetọn gbè do, kavi donù hosọ delẹ go sọn owe oplọn tọn mítọn lẹ mẹ. Owe delẹ, taidi kalti jw.org tọn, oylọ-basinamẹwe de kavi alọnuwe pẹvi de gán yin yiyidogọ to wepò lọ mẹ

• Nọ glido. Ma dọho susu blo, na agbọ́ nikaa pé hihiatọ lọ.—Pọ́n apajlẹ wekanhlanmẹ de tọn

• Vọ́ nuhe a kàn lọ hia nado de nuṣiwa lẹ sẹ̀, na e nido bọawu hihia. Hẹn diun dọ a yí hogbe he jọmẹ, he gọ́ na zinzin bosọ jlọmẹdote lẹ zan. Sú posu-kuẹ he pé na wekanhlanmẹ lọ, na e nido yin didohlan mẹlọ. Eyin e ma yinmọ, yè gán biọ akuẹ he whè lọ to mẹlọ si