Naayinɛ Na’am La Dela Sɛla N Boi Ho Suuren?
Baabule la lebesego
Aayi, Naayinɛ Na’am la daɣɛ sɛla n boi Kristakɔma suure poan. a Baabule la yi’iri bu la ‘saazuo na’am’ ti la pa’alɛ bu sirum boi zɛ’an. (Matu 4:17, King James Version) Geele bisɛ Baabule la n pa’alɛ ti bu sirum dela gɔmɛt n boi saazuo ge bisera se’em.
Naayinɛ Na’am la tari la bisegadoma, lɔɔ, nɛresɛba ti bu bisera ge ti bu tuunɛ me dɛna, la basɛ ti Naayinɛ puti’irɛ n de se’em tum saazuo la tingɔnɔ wa zuo.—Matu 6:10; Liligere 5:10.
Naayinɛ gɔmɛt bii Na’am la wan sɔna bisera “nɛreba, tisi la yetɔɣum buuri woo” tingɔŋɔ wa zuo. (Daniel 7:13, 14) Kpe’eŋo sɛka ti bu tara bisera la ze’ele la Naayinɛ zɛ’an na ge daɣɛ nɛresɛba ti a sɔna bisera la.—Yooma 2:4-6; Isaiah 9:7.
Yezu yuun yele a sakerɛ tuuntuneba la yeti, ba wan naɛ la eŋa bɔna a saazuo Na’am la poan ge “zi’a na’am kuɣesi zuto.”—Luke 22:28, 30.
Na’am la wan sa’am nɛresɛba n yaaɛ bu la.—Yooma 2: 1, 2, 8, 9; 110:1, 2; 1 Korint 15:25, 26.
Baabule la ka pa’alɛ ti saazuo Na’am la boi la ho suuren ti la ana wuu bu boi la nɛra suuren sɔna bisera la. Ge la pa’alɛ ti “sɔ’ɔlum la yelesum” bii “Na’am la yelesoma” la ta’an tee nɛreba suure.—Matu 13:19; 24:14.
“Na’ayinɛ Sɔ’ɔlum nan boi la ya zɛ’an” vuurɛ?
Baabule leregere ase’a n lerege Luke 17:21 se’em la basɛ ti nɛreba basɛba ka bɔkɛ Na’am la n boi zɛ’an. Makerɛ, King James Version la yeti “Naayinɛ Na’am la boi la ya poan.” To san wan bɔkɛ kaalegɔ zɛ’an wa soŋa soŋa, la nari ti to geele kaalegɔ zɛ’an wa yelesum la za’a soŋa.
Naayinɛ Na’am la yuun ka boi sɛba n yuun giiseri Yezu ge ti ba suure kãbɛ la suuren.
Yezu yuun tɔɣeri bɔ’ɔra la Fariseedoma la n de pu’usegɔ nɛŋadoma. Nɛrebana wa daa laɣum pa’asɛ la sɛba n giiseri Yezu ge soŋɛ ti ba ku en la. (Matu 12:14; Luke 17:20) Yɛm boi bim ti to ti’isɛ ti Na’am la dela sɛla n yuun boi nɛreba wa suure n yuun kãbɛ la poan? Yezu yuun yele ba yeti: “ya puuren ya tari la birikɔɣetuuma la be’em.”—Matu 23:27, 28.
Leregere ase’a kɔ’ɔn lerege Yezu yetɔɣum la n boi Luke 17:21 poan soŋa mɛ ti: “Naayinɛ Na’am la boi kalam mɛ la ya.” (Tomam mea n delege yelebire la; Contemporary English Version) “Naayinɛ Na’am la boi la ya tiŋasuka.” (New World Translation, tiŋanɔɔrɛ yelesum) Saazuo Na’am la yuun boi mɛ “la” Fariseedoma la bii bɔna ba “tiŋasuka” ti a vuurɛ dɛna la, Yezu n de mina ti Naayinɛ loe ti a dɛna Naba sɔna bisera la yuun zɛ la ba nɛŋan.—Luke 1:32, 33.
a Kristakɔma pu’usegɔ zo’e zo’e pa’ali ti Naayinɛ Na’am la boi la nɛra poan bii nɛra suuren. Makerɛ, United States tiŋa poan, Southern Baptist pu’usegɔ la yeti, Naayinɛ Na’am la laɣum dɛna la “Naayinɛ n sɔi nɛra la suure la a vom bisera.” Bala mea ti Pope Benedict XVI gɔŋɔ la n de Jesus of Nazareth la yeti “Naayinɛ Na’am la ni wa’an me na doose la nɛra n keleseri la a suure za’a.”
Ho Me Ta'an Bɔta Yele Ana
ESSENTIAL BIBLE TEACHINGS
Naayinɛ Na’am La Dela Bem?
Yezu na’am mɔɔlegɔ la poan, a yuun tɔɣɛ Naayinɛ Na’am la yele mɛ gaŋɛ yetɔɣum woo. Yuun kɔbesi poan, a podɔleba me zusɛ mɛ ti Na’am la wa’ana.
BAABULE KAALEGƆ ZƐ’ƐSI VUURƐ
Mark 1:15 Vuurɛ—“Naayinɛ Na’am La Lɛm Ya Mɛ”
Yezu yuun pa’alɛ ti Na’am la puɣum pɔsɛ bisega mɛ?
