Yehowa boti la to zamesɛ baŋɛ a yizuo la n boi saazuo la yele. Yizuo la tari la malesi ti ba yi’ira ba ti “Naayinɛ dayɔɔsi.” (Yob 38:7) Baabule la tɔɣɛ malesi wa yele la wani? Ba iti nɛreba la wani? Ge malesi la za’a laɣum pa’asɛ la Naayinɛ yizuo la poan?

1. Malesi la dela bani?

Yehowa yuun naam malesi la ba’asɛ mɛ ge nyaa naam tingɔŋɔ wa. Wuu Naayinɛ n ani se’em la, ba dela vo’osum poan nɛreba n boi saazuo ti to ka nyɛta ba la to nini. (Hebru 1:14) Malesi tustusa n boi ge ti ba aŋa me bɔna to’ore to’ore. (Liligere 5:11) Ba “[tari Yehowa] yelesum la tuna tuuma ge me nana a kɔ̃a la.” (Yooma 103:20) Diimi sa, saŋa ase’a Yehowa ni tum malesi ti ba tari sɔɔleŋa ta bo ge soŋɛ a nɛreba ge me faaɛ ba basɛ. Zina beere wa me, malesi n soŋeri Kristakɔma ti ba kena sɛba n boti ba zamesɛ Naayinɛ yɛla la zɛ’an.

2. Sitaana la a kolekpabɛ’ɛsi la dela bani?

Malesi basɛba yuun ta basɛ Yehowa mɛ ge ka le tara sakerɛ bɔ’ɔra en. Maleka sɛka n deŋɛ nɛŋa n yuun eŋɛ kpenkpasi n bala n de “mina ti ba yi’ira ti Saɣena la Sitaana, se’em n pã’aseri tingɔŋɔ wa za’a” nɛreba. (Liligere 12:9) Sitaana yuun boti la a sɔna nɛreba bisera, bala n sɔi ti a yuun pã’asɛ nɛresɛba n deŋɛ nɛŋa la hali pooren ti a pã’asɛ malesi basɛba ti ba doose en laɣum eŋɛ kpenkpasi. Malesi sɛba n eŋɛ kpenkpasi la n bala ti ba yi’ira ba ti kolekpabɛ’ɛsi la. Yehowa yuun basɛ ti ba sa’ɛ ba saazuo basɛ tingɔŋɔ wa zuo na ge ti ba gura ba sa’aŋɔ beere sa’am.​—Kaalɛ Liligere 12:9, 12.

3. Sitaana la a kolekpabɛ’ɛsi la tiregeri ti ba pã’asɛ to la wani?

Sitaana la a kolekpabɛ’ɛsi la doli la ba tuuma bii kolekpatuuma poan pã’asa nɛreba zo’e zo’e ti ba dɔla bim sɔsa la kolekpabɛ’ɛsi. Makerɛ n wana, nɛreba basɛba keni la sɛba n bisera ŋmarebibisi, bakolebuɣeriba, sɛba n biseri bɔ’ɔra la baɣanadoma zɛ’ɛsi. Sɛba keni la baɣadoma zɛ’an tibera ba bã’asi. Ba me pã’aseri nɛreba basɛba ti ba ti’isɛ ti ba ta’an tɔɣɛ bo ki’indoma. Ge Yehowa kaɣɛ to yeti: “Da keŋɛ ya baɣebibisidoma zɛ’an, me da keŋɛ ya bakolebuɣeriba zɛ’an.” (Malema 19:31) A bo to kaka wa ti la gu to mɛ Sitaana la a kolekpabɛ’ɛsi la nu’usin. Ba dela Naayinɛ dataasi ge me bɔta ti ba pɔɣelum tɔ.

 VIISƐ PA’ASƐ

6. Zabɛ nyaŋɛ Sitaana la a kolekpabɛ’ɛsi la

Sitaana n sɔi kolekpabɛ’ɛsi la bisa. Ge malesi nɛŋadaana Mikael n de Yezu la n sɔi malesi la bisa. Mikael wa tari paŋa la wani? Kaalɛ Liligere 12:7-9 ge nyaa sɔsɛ sokere ana wa:

• Bani n tari paŋa? Mikael la a malesi la bii Sitaana la a kolekpabɛ’ɛsi la?

• Hon ti’isɛ ti Yezu podɔleba nari ti ba zɔta dabeem la Sitaana la a kolekpabɛ’ɛsi la?

Ho wan ta’an zabɛ nyaŋɛ Sitaana la a kolekpabɛ’ɛsi la. Kaalɛ Yames 4:7 ge nyaa sɔsɛ sokere wa:

• Ho wan ta’an te’ele homea la wani Sitaana la a kolekpabɛ’ɛsi la nu’usin?

 YELEKPINE

Malesi se’esi n tari sakerɛ la soŋeri to mɛ. Sitaana la a kolekpabɛ’ɛsi la dela Yehowa dataasi. Ba me doli la kolekpatuuma poan pã’asa nɛreba.

Tiisegɔ Sokere

• Sarɔtɔ ani poan ti Yehowa malesi la soŋera nɛreba ti ba zamesa a yɛla?

• Sitaana la a kolekpabɛ’ɛsi la dela bani?

• Beni n sɔi ti hon bɔta ti ho lɔkera homea kolekpatuuma poan?