Heta áñore ndojekuaaporãi kuri mbaʼéichapa añetehápe iñasãi umi mbaʼasy, upévare umi péste káusare hetaiterei hénte omano vaʼekue. Upe rire umi sientífiko ha doktorkuéra oinvestiga porã ha opilla la verda. Haʼekuéra ojapo pruéva ohechaukáva umi mbaʼasy pyʼỹinte ojeprodusiha umi mikróvio, vaktéria térã umi vírus káusare. Ojekuaa rupi la verda hetaiterei héntepe oñepytyvõ ani hag̃ua hasy, ótrope katu pe informasión oipytyvõ oiko porãve ha avei oiko areve hag̃ua.

Péro tekotevẽ ñambohovái hetave pregúnta iñimportánteva, ¿ndépa ere ikatuha avei ñanevenefisia jaikuaáramo la verda koʼã mbaʼére?

• ¿Mávapa Ñandejára?

• ¿Mávapa Jesucristo?

• ¿Mbaʼépa Ñandejára Rréino?

• ¿Mbaʼépa oikóta amo gotyove?

Hetaiterei persóna otopáma la rrespuésta koʼã porandúpe, ha upe oaprendéva tuichaiterei oipytyvõ chupekuéra omehora hag̃ua ivída. Katuete ndéve nepytyvõta avei.

Oiméne nde reikuaase mbaʼéichapa ikatu jaikuaa la verda. Añetehápe koʼág̃arupi ijetuʼuve jaikuaa hag̃ua upéva. Jahechamína mbaʼérepa.

Hetaiterei hénte nokonfiavéi umi governántere, umi negosiántere térã umi médio de komunikasión rehe. Ijetuʼu jepi japilla hag̃ua siértopa la heʼíva hikuái, pórke ndajaikuaái omombeʼúpa añetehápe la oiko vaʼekue térã heʼíntepa la opensáva térã la okonvenívante chupekuéra. Ha ndaiporivéi rupi konfiánsa ni informasión verdadéra, umi hénte ndoikuaavéi mbaʼe rehepa ojeroviáta ni mbaʼéichapa upéva ikatu oservi chupekuéra.

Péro ijetuʼúramo jepe, ikatu hína jaikuaa la verda ha ñarresponde umi pregúnta iñimportantevéva. ¿Mbaʼéichapa? Jarekóvo enkuénta peteĩ mbaʼe jajapóva jepi normálmente.

Ñande ningo káda día jajasegura oimépa siérto heta mbaʼe. Por ehémplo Jessica heʼi: “Che memby oreko alérhia al mani, ha igráve la isituasión. Hoʼúramo álgo orekóva michĩmi jepe manduvi, ikatu ojukaite chupe”. Jessica ojasegura vaʼerã iporãpa imembýpe g̃uarã umi aliménto ojoguáva, haʼe heʼi: “Primeroite aleepaite umi informasión oĩva umi prodúkto apére, péicha aikuaa mbaʼe ingrediéntepa oreko. Upéi ainvestiga pe ojefravrikahápe ha sapyʼánte ahenói voi chupekuéra ajasegura hag̃ua oĩpa algún rriésgo orekóvo michĩmi jepe manduvi la iprodúkto. Avei ainvestiga pe emprésa ojapóva umi aliménto haʼépa konfiávle ojapo lájape iprodúkto”.

Oiméne ne situasión ndahaʼéi la ijetuʼuetereíva Jessica situasióncha, péro lomímonte ikatu reñehaʼã resegi el mísmo sistéma reikuaa hag̃ua la verda.

• Eheka informasión.

• Eñehaʼã einvestigave.

• Ejasegura siértopa umi informasión.

Jasegíramo ko sistéma ikatúta ñakontesta umi porandu iñimportantevéva. Jahechamína mbaʼéichapa jajapo vaʼerã upéva.

Jessica oikuaase kuri avei mbaʼépa añetehápe omboʼe la Biblia. Upémarõ osegi el mísmo sistéma haʼe oipurúva otopa hag̃ua prodúkto iporãva imembýpe g̃uarã. Haʼe heʼi: “Aikuaa hag̃ua la verda omboʼéva la Biblia, alee ha ainvestiga porã, péva chepytyvõiterei”. Hetaiterei persóna osegi avei Jessica ehémplo ha oikuaáma mbaʼépa heʼi la Biblia koʼã mbaʼére:

• ¿Maʼerãpa ñandeapo vaʼekue Ñandejára?

• ¿Mbaʼépa oiko ñamano rire?

• ¿Mbaʼére piko jasufri?

• ¿Mbaʼépa ojapóta Ñandejára anivéma hag̃ua jasufri?

• ¿Mbaʼéichapa ikatu javyʼa ñane famíliandi?

Releéramo la Biblia ha reinvestigáramo ore sítio Internétpe www.jw.org. ikatúta retopa umi rrespuésta ha hetave mbaʼe reikuaaséva.