Ñandejára oorganisa vaʼekue Abrahán familiarépe ha omeʼẽ chupekuéra heta léi. Ñandejára ojapo chuguikuéra peteĩ nasión ha ombohéra ‘Israel’. Ko tetã añoite oadora vaʼekue Ñandejárape haʼe oipotaháicha, ha oñangareko Iñeʼẽre (Salmo 147:19, 20). Upéicha, Israel rupive oñevendesíta entéro umi hénte ótro tetãmegua.​—Elee Génesis 22:18.

Ñandejára oelehi vaʼekue umi israelítape itestigorã. Umi mbaʼe Israel ohasa vaʼekue ohechauka porã mbaʼéichapa umi hénte ikatu oñevenefisia iñeʼẽrendúramo Ñandejárape (Deuteronomio 4:6). Péicha, umi hénte oaprendévo umi israelítagui ikatu kuri oikuaa pe Dios verdadérope.​—Elee Isaías 43:10, 12.

Tiémpo rire, Ñandejára orrechasa Israélpe ha hendaguépe oasepta pe kongregasión kristiána (Mateo 21:43; 23:37, 38). Koʼág̃a umi israelita rendaguépe, umi kristiáno verdadéro oservi Jehovápe itestígoramo.​—Elee Hechos 15:14, 17.

Jesús oorganisa vaʼekue idisipulokuérape opredika hag̃ua opárupi ha oipytyvõ hag̃ua umi héntepe oiko hag̃ua chuguikuéra idisípulo (Mateo 10:7, 11; 24:14; 28:19, 20). Koʼẽrõitéma Ñandejára oipeʼáta umi mbaʼe vai oĩva ko yvy ape ári, upéva heʼise pe traváho Jesús oheja vaʼekue oñekompleta potaitemaha. Jehová ojapo hína peteĩ mbaʼe núnka ndoikóiva gueteri, ombyaty hetaiterei hénte opa tetãyguápe oadora hag̃ua chupe haʼe oipotaháicha (Apocalipsis 7:9, 10). Umi kristiáno verdadéro oĩ organisádo ikatu hag̃uáicha oñopytyvõ ha oñomokyreʼỹ. Ko múndo tuichakuére haʼekuéra ovyʼa irreunionhápe ha ostudia la mísma informasión oñeguenohẽva la Bíbliagui.​—Elee Hebreos 10:24, 25.

Áño 1870 rupi peteĩ grúpo de estudiánte de la Biblia oñepyrũ ontende porã umi mbaʼe omboʼéva la Biblia, koʼã mbaʼe heta tiémpore noñentendeporãi vaʼekue. Haʼekuéra ohechakuaa Jesús oorganisa hague pe kongregasión kristiánape opredika hag̃ua, upémarõ oñepyrũ hikuái opredika ha omboʼe opárupi umi mbaʼe ojapótava Ñandejára Rréino. Áño 1931-pe oñembohéra hikuái testígo de Jehová.​—Elee Hechos 1:8; 2:1, 4 ha 5:42.

Síglo primérope oĩ vaʼekue peteĩ grúpo oipytyvõva umi kongregasión oĩvape heta hendárupi. Ko grúpope oñehenói Kuérpo Governánte ha oĩ pype kuimbaʼe ijerovia mbaretéva. Haʼekuéra orrekonose Jesús haʼeha pe omoakãva umi kongregasión (Hechos 16:4, 5). Koʼág̃a avei umi testígo de Jehová oguereko peteĩ Kuérpo Governánte oĩhápe ansiáno ijerovia mbaretéva. Pe Kuérpo Governánte oñatende mbaʼéichapa oñembaʼapo umi sukursalkuérape. Koʼã sukursálpe ojetradusi, oñeimprimi ha upéi oñemondo umi puvlikasión ojepurúva ojestudia hag̃ua la Biblia. Koʼã puvlikasión ojejapo mas de 800 idiómape. La Biblia rupive pe Kuérpo Governánte omokyreʼỹ ha ogia umi kongregasión oĩvape ko yvy tuichakuére. Koʼág̃a oĩma mas de 120.000 kongregasión oĩháme kuimbaʼe ikatupyrýva oservíva de ansiáno. Koʼãva mborayhúpe oñangareko Ñandejára ovechakuérare.​—Elee 1 Pedro 5:2, 3.

Umi testígo de Jehová oĩ organisádo ikatu hag̃uáicha opredika ha oipytyvõ umi héntepe oiko hag̃ua chuguikuéra Jesús disípulo. Umi apóstol ojapo haguéicha haʼekuéra opredika ogahárupi (Hechos 20:20). Avei oofrese estúdio bíblico umi persóna oikuaasévape la verda. Umi testígo de Jehová ningo ndahaʼéi peteĩ grúpo oñeorganisa porãvante, haʼekuéra peteĩ famíliaicha oñangareko ojuehe oñoermánoicha ha oreko peteĩ Túa oporohayhúva (2 Tesalonicenses 1:3). Umi testígo de Jehová oĩ organisádo oadora hag̃ua Jehovápe ha oipytyvõ hag̃ua hapichakuérape, upévare oiko peteĩ famíliaicha ha ndaipóri ovyʼavéva chuguikuéra ko yvy ape ári.​—Elee Salmo 33:12 ha Hechos 20:35.