“Ñandejára omokãmbaitéta umi hénte resay, ha ndaiporimoʼãvéima omanóva, oñelamentáva, hasẽva ni hasýva” (Apocalipsis 21:4, Ñandejára Ñeʼẽ La Biblia Traducción del Nuevo Mundo).

Reikuaáta umi provléma ndouiha Ñandejáragui (Santiago 1:13).

Ndepyʼaguapýta reikuaávo Ñandejára ontendeha mbaʼéichapa reñeñandu (Zacarías 2:8).

Erekóta esperánsa reikuaágui opataha umi sufrimiénto (Salmo 37:9-11).

Si, jahechamína mbaʼérepa:

• Ñandejára ndaijaʼéi umi inhustísia ha sufrimiéntore. Epensamína mbaʼéichapa Ñandejára oñeñandu vaʼekue ojetrata vaírõ guare ipuévlope yma. La Biblia omombeʼu Ñandejára ombyasyeterei hague ohechárõ guare mbaʼéichapa ojetrata vaieterei chupekuéra (Jueces 2:18).

  Ñandejára ipochyeterei voi ohechávo ojetrata vaiha umi héntepe. Por ehémplo la Biblia heʼi ombojeguaruha chupe “umi ojukáva hénte inoséntepe” (Proverbios 6:16, 17).

• Ñandejára ojepyʼapy káda únore. Añetehápe ningo “káda uno oikuaa porã mbaʼépa oipyʼapy ha ombohasa asy chupe”, péro ndahaʼéi ñandénte jaikuaáva upéva, Jehová oikuaa porã avei (2 Crónicas 6:29, 30).

  Irréino rupive Jehová koʼẽrõite oipeʼáta entéro umi sufrimiénto jarekóva (Mateo 6:9, 10). Ha koʼág̃ama voi okonsola hína umi oñemoag̃uívape hese (Hechos 17:27; 2 Corintios 1:3, 4).