Süküjüin tü Wiwüliakat tü alatakat sümaiwa otta tü alatajatkat mapeena. Isasü nachiki na wayuukana naainjüin tia. Makalaka watüjaain saaʼu nümaʼanajeejatüin Maleiwa tü Wiwüliakat. ¿Jamüsü sünüiki tü Wiwüliakat süchiki tü alatajatkat mapeena?

Aashajaasü süchiki tü kaʼi nütkaainjatkat oʼu Maleiwa süpüla najaʼttirüin tü kasa mojusükat otta na mojulaashiikana. Naaʼinmajeena na aʼyataashiikana nümüin. Aluwataainjachi Jesús nutuma Maleiwa. Nia talatüinjachika atuma na aʼyataashiikana nümüin Maleiwa otta chi nnojoluinjachikai atuma ayuulii, atkawaa jee ouktaa.

¿Talatüshii waya süka paraiisüinjatüin nutuma Maleiwa tü Mmakat? Suluʼu tü aküjalaa sajaʼttiamüinkat tü karalouktakat, aküjünüsü süchiki tü waainjüinjatkat süpüla kepiain waya suluʼu tia paraiisü niʼitaainjatkat Maleiwa napüleerua na aʼyataakana nümüin. Paashajeʼera tü MEKIISATKAT Shiʼipa süpüla pütüjaain saaʼu tü alatajatkat mapeena saashin tü Wiwüliakat.