Izaias 4:1-6
4 Tea disa, sat bailo eka dadleak dhorun mhunnttoleo:
“Ami amchea jevnnachemAni kopddeanchem polloun ghetolim.
Fokot amcho opman* pois korunk,Tum amkam apnnaun tujem nanv di.”
2 Tea disa, Jehova kirloita ti dor ek vost sobit ani mhoimebhorit astoli. Ani desachem pik Izraelantlea urlolea lokam pasot vhoddvikaiechem ani khuxalkaiechem zatolem.
3 Sionant urtat te lok ani Jeruzalemantle urlole lok, hoi, te sogle zanchim nanvam Jeruzalemant ravonk boroilʼlim, tankam povitr mhunnttole.
4 Jeruzalemacher Jehovacho rag pettʼttolo ani to tachi zhoddtti kortolo. Hea toren, Sionachea dhuvancho mhell to dhuvun kaddttolo ani Jeruzalemant varoilʼlem rogot pusun kaddttolo.
5 Tea vellar, akʼkho Sionacho Dongor ani povitr sobha bhorta to zago, Jehova, disachea vellar dhunvrachea kupan dhamptolo ani ratchea vellar zollttea ujeachea uzvaddan bhortolo. Ani akʼkhea mhoimebhorit desacher asro astolo.
6 Thoim ek mattov astolo, zo disachea vota thaun savlli ditolo ani vadoll ani pausa thaun rakhonn zaunk asro zatolo.
Footnotes
^ Mhunnche, kazar zaunk na ani avoi zaunk na mhunn zata ti loz.
