Izaias 15:1-9
-
Moaba add sondex (1-9)
15 Moaba add sondex:
Ratiam bhitor tacho nas zala dekhun,Moabachem Ar xar vogi poddlam,Ratiam bhitor tacho nas zala dekhun,Moabachem Kir xar vogi poddlam.
2 To dukh korunk voir Ghorant* ani Dibonant gela,To roddonk unch zageancher gela.
Nebo ani Medeba pasot Moab vhoddlean bob marun roddtta,Sogleank tasun hoddʼdde keleat ani sogleanchem khadd kaddlam.
3 Tanchea rosteancher lok sak ghalun asat,Aplea ghorancher* ani xarachea nakeancher te bob marun roddttat,Ani roddon-roddon sokol poddttat.
4 Heshbon ani Eleale roddttat,Tancho avaz khub pois Jahaza meren aikonk ieta.
Taka lagon, Moabache soinik bob marit asa.
To* koddkoddtta.
5 Mhojem kalliz Moaba pasot roddtta.
Tachea thaun pollon gelole, khub pois Zoar ani Eglath-shelishiya meren pollon geleat.
Te Luhithachea choddtter choddttana dukam golloun roddttat,Ghoddlolea odruxttak lagon te Horonaimak voichea vatter roddttat.
6 Karonn Nimrimachem soglem udok sukon gelam,Hirvem tonn suklam,Soglem tonn kabar zalam ani hirvem kainch uronk na.
7 Taka lagon, aplea lagim urleat teo vostu ani apli girestkai gheun,Te zhaddanchem* falkem* par kortat.
8 Moabachea akʼkhea vattarant roddnneacho avaz aikonk ieta.
Tanchi bob Eglaim poriant pavta,Tanchi bob Berelim poriant pavta.
9 Dimonachem udok rogtan bhorlam,Hanv Dimonacher anik odruxtt haddttolom:
Moabantlean pollon voitoleancher,Ani desant urloleancher hanv ek xinv dhaddttolom.
