Ko hommbo laamii aduna on tigi tigi ?
Hiɗon sikki...
-
ko Alla ?
-
ko tagaaɗo ?
-
kaa ko goɗɗo goo ?
KO DEFTERE ALLA NDEN WI’I KON
« Aduna on fow no e ley doole Bonɗo on » (1 Yuuhanna 5:19, VPFJ).
« Saa’i on no heddii seeɗa, bomɓe ɓen muloyay ; ko haqiiqa, on ndaaroyay ka ɓe wonunoo on yi’oytaa ɓe » (Zabuura 37:10).
KO HONNO ƊUN NAFIRTA EN ?
Firo no aduna men on woniri hannde (Feɲɲinannde 12:12).
Hoolaare aduna men on moƴƴoyay (1 Yuuhanna 2:17).
HIƊEN WAAWI HOOLADE KO DEFTERE ALLA NDEN WI’I KON
Fii piiji tati :
-
Laamu Seytaane gasataa. Yahuwah no haqinqini lannugol laamu Seytaane e o aduna. Alla daali o bonnoyay fii Ibuliisa e piiji fow ko o waɗi nder oo aduna (Yahuudiyankeeɓe 2:14).
-
Alla no suɓii annabi Iisaa laamagol oo aduna. Annabi Iisaa no serti e oo laamiiɗo bonɗo aɲanɗo oo aduna hannde. Fii nguu laamu Iisaa, Alla daali : « O yurmoyte miskinaaɓe ɓen e ɓee ɓe alaa huunde [...]. O danndoyay wonkiiji sonjiiɓe e masinbinaaɓe » (Zabuura 72:13, 14).
-
Daaluyee Alla ko goonga. Deftere Alla nden wi’i : « Gasataa ka Alla fena » (Yahuudiyankeeɓe 6:18, VPFJ). Si Yahuwah daalii huunde, nde waɗay ! (Isaaya 55:10, 11). « Lanɗo aduna on bugetee ka yaasi » (Yuuhanna 12:31, VPFJ).
MIIJITEE
Ko honno aduna on woniroyta si Ibuliisa ittaama ?
Deftere Alla nden no jaabii ngal lanndal nder ZABUURA 37:11 e FEƝƝINANNDE 21:3, 4.
No gasa on yiɗay kadi
ESSENTIAL BIBLE TEACHINGS
Fii honɗun Allah accani tampere ?
Buy no lanndoo fii honɗun aduna on no heewi ngayngu e tampere. Deftere Allah nden no wonndi e jaabawol weltinayngol e multayngol.
FII AMEN
Fii honɗun jannganten Deftere Allah nden ?
Deftere Allah nden no jaabii lanndaale hittuɗe yimɓe guluuji e guluuji e oo aduna. Hiɗon faalaa ɗi anndude ?
FII AMEN
Lanndee fii yo goɗɗo aru ka mon
Yewtee fii mas’ala ka Deftere Alla, maa ɓeydon janngugol fii Seedeeɓe Yahuwah ɓen.
