“Ena veisiga mai muri”

Ena gauna eda bula tu kina qo

“Na ulunivanua ni vale i Jiova”

Na cecere ni sokalou savasava e caka vei Jiova

“Era na drodro kina na matanitu kece”

Era duavata o ira na taleitaka na sokalou dina

“Ni lako mai meda lai cabe ina ulunivanua i Jiova”

Era veisureti tiko na dausokalou dina me so tale e tomani ira

“Ena vakavulici keda o koya ena nona ivalavala, eda na muria na nona sala”

O Jiova e vakayagataka nona Vosa me vakasalataki keda, meda muria kina nona sala

“Era na sega tale ni vulica na ivalu”

Vakamacalataka o Aisea ni na vakayagataki na iyaragi ni ivalu me iyaya ni iteitei. Dusia qori nira na guta na veiyaloni na tamata i Jiova. Na cava soti na iyaya e vakayagataki ena gauna i Aisea?

“iSeleiwau me batinisiviyara”

1 Na batinisiviyara e dau kelia na qele. Eso e kaukamea.—1Sa 13:20

“Moto me isele ni sasamaki”

2 Na isele ni sasamaki e rairai dusia na iseletakelo kaukamea e tiko na kena itautauri. E dau vakayagataki me musuka na taba ni vaini.—Ais 18:5