Tekivu ena ika19 ni Feperueri 2026, e vakilai na tau bi ni uca ena veivanua e Peru. Qo e vakavuna na waluvu kei na sisi ni qele, ra qai vakacacani e vica vata na udolu na vale kei na vanua ni bisinisi. Ena levu na vanua, e sega ni rawa ni takosovi na gaunisala ra qai luvu na motoka. E vica vata na udolu e tarai ira na draki ca qo, qai rauta ni le 17 na lewenivanua era mate.

Qo na itukutuku e tauri rawa mai vei ira na mataveitacini.

Kedra iTuvaki na Tacida

• Ka ni rarawa ni mate e dua na tacida yalewa yabaki 83

• Tokitaki e rua na dautukutuku

• Vakacacani vakalevu e dua na vale

• Vakacacani vakalailai e walu na vale

• Sega ni dua na Vale ni Soqoni e vakacacani se vakarusai

Cakacaka ni Vakacoko

• Era veivakayaloqaqataki na ivakatawa ni tabacakacaka kei ira na qase ni ivavakoso vei ira na tacida era vakaleqai. Era raica tale ga me vakarautaki na ka era gadreva

Nida dua na vuvale vakayalo, eda rarawataka vakalevu na vakacaca ni leqa tawanamaki qo, kei na nona takali e dua na tacida yalewa kei na so tale. Eda rai vakanamata tu ena gauna ena ‘tilomi kina vakadua o mate.’​—Aisea 25:8.