Tekivu ena ika27 ni Maji me yacova na imatai ni Epereli 2025, dua na ka bi ni uca ena ceva ni yasayasa kei Texas, e Merika. Na levu ni uca e tau ena so na vanua, e tautauvata kei na uca e tau ena loma ni ono na vula. E waluvu kina e vica vata na udolu na vale kei na vanua ni bisinisi. E boko na livaliva, sogo na koronivuli qai vakacacani na iteitei. E vica vata na drau era vueti mai wai, qai vica vata na udolu era tokitaki. Rauta ni le va ratou mate.

Kedra iTuvaki na Tacida

• Sega ni dua na tacida e mate se mavoa

• Tokitaki e 54 na dautukutuku

• Vakarusai e rua na vale

• Vakacacani vakalevu e 44 na vale

• Vakacacani vakalailai e 87 na vale

• Sega ni vakarusai se vakacacani e dua na Vale ni Soqoni

Cakacaka ni Vakacoko

• Era veivakayaloqaqataki qai veivakacegui na ivakatawa ni tabacakacaka kei ira na qase ni ivavakoso. Era vakarautaka tale ga na ka ni veivuke vei ira na vakaleqai

• E lesi e dua na Komiti ni Vakacoko me qarava na ka ni veivuke

Ena gauna dredre qo, eda kila o Jiova ena “ivakaruru tudei” vei ira kece na tacida era vakaleqai ena waluvu qo.​—Same 9:9.