ˈNëndhoŋ ˗nu ꞊plɛ ˗kun ʒiö ˗ni ˈgü Fidhipinö ˗bha ˈˈkwipö do ˈwo˗ ˗dhɛ Bagio bhë, ˗a ˈgü. ˗Dhɛ ˈö ˈwo ˗wo ˗dhɛ ˈbha ˈgü, ˈyö ˈwo ˗kpan kwa ꞊dhegblüdhe do ˈwo˗ ˗dhɛ Elɛnö ˗a ˗bha kö ˗yö ˗zlanwopö ˗ni ˈgü ˗zlanwopö ˗a ˈka gɔnën ˈˈdhiʋ̈. ˈˈKɛɛ ˈwii ꞊ɲɔɔn ˗a ˈˈsɔɔ. ˗Dhɛ ˈö kwa ꞊dhegblüdhe ˗yö ˗kpan ˗an ˗bha, ˈyö ˈˈyɩɩ to ˗an ˗dhɛ. ˈNëndhoŋ ˗nu bhë ˈwii ˈduannu ˈˈkɛɛ ˈˈyɩɩ ˈö kwa ꞊dhegblüdhe Elɛnö ˗ya to ˗an ˗dhɛ bhë, ˗an ˗zo ˈyii bhɔ˗ ˈka.

˗Dhɛ ˈö ˈwo kun ˈdho ˗ni ˈgü ˈˈkwɛnŋdhö kö ˗wo gɔ ˈgü, ˈyö ˈwo ˗kpan jw.org ˈˈbin ˈkpii˗ ˗bha ˗bhɔkwëëkëgükɔ do ˈkɔ ˈˈbhaŋ ˗bha. ˈDhɛ ˈwo ˗kpan ˗a ˗bha, ˈyö ˗an ˗zo ˗yö ˗bö ꞊dhɛ pë do ˈö bhë ˈnën kun ˗ya ˗sü ˈka kwa ꞊dhegblüdhe ˗bha ˗zlanwopö ˗a ˈka gɔnën ˗bha. ˗Dhɛ ˈö ˗kë ˈˈdhʋ̈, ˈyö ˈwo ꞊yɔɔ, ˈö ˈwo dho ˗zlanwokɔdhi ˗nu ˗bha ˗bhɔwkëë ˈˈlɛlɛ ˗nu ˈwo kun ˗bhɔkwëëkëgükɔ bhë ˗a ˈˈkwee ˗bha ˗an ˗ga.

˗Bhɔkwëë ˗nu ˈwo dɔ ˗dhɛkpɔɔyi ˈö bhë ˗a ˈˈpiʋ̈, ˈnëndhoŋ ˗nu bhë ˗wo ˗dho ˗a do ˗ta. ˗Dhɛ ˈö ˈwo ˗da ˈkɔɔ, de ˈö ˈwo ˗kpan ˗a ˗bha? Kwa ꞊dhegblüdhe Elɛnö ˗mü. ˗Wo ˗to ˈˈshia˗ mü ˈö ˈwo˗ ˈwɔn dɔ ꞊dhɛ yö ꞊nën ˈˈyɩɩ ˈto ˗an ˗dhɛ bhë. Kwa ꞊dhegblüdhe Elɛnö ˗ya ˗pö: «˗Dhɛ ˈö ˈwo kun ꞊ɲɔɔn ˗ni ˈgü n ˈˈsɔɔ, ˈˈsuʋ̈ ˈnën ˈbha ˗yö ˗da n ˈgü. N ˗maan ˈka ˗be ˈman ˈwɔn yaa ˈbha kë ˗an ˈka.» ˈˈKɛɛ ˈnëndhoŋ ˗nu bhë ˗wo ˗ɲɔɔn ˗a ˗bha ˈyö ˈpë ˗kë ˈwo nu ˗bhɔkwëë ˗ta, ˈwo˗ pö ˗a ˗dhɛ.

˗Kë ˗bhɔkwëë ˗ta ˗sü waa kwa ꞊dhegblü ˗nu ˈˈpiʋ̈ ˗sü ˈˈyi ˗kan ˈnëndhoŋ ˗nu bhë, ˗an ˗dhɛ. ˗Yö ˗kun ꞊dhɛ pë ˈö ˈwo wo dɔmɛn zii ˗nu ˈˈpiʋ̈ ˗a ˈdhö. ˗Dhɛ ˈö ˗bhɔkwëë ˗yö ɲën ˈö ˈwo ˗kpan kwa ꞊dhegblü ˗nu ˗bha kö ˗wo ˗bhɔkwëëkëgükɔ ˈgü ˗dhɛ baaˈˈ ˗ni ˈgü, ˗wa ˗pö ˗an ˗dhɛ ꞊dhɛ ˗wa ˈˈpiʋ̈ ˈwo ˗an ˗takun. ˈNëndhoŋ ˗nu ˈwo bhë, ˗a mɛn do ˈyaa Fidhipinö ˈzü. ˈˈKɛɛ ˗a ˈmɛn ˗dhɛ ˈö to ˗yö ˗nu ˗bhɔkwëë ˗ta, ˈyö ˗ya ˗ya Biblö draansü ˗bha. ˈWɔn ˗së ˈö bhë ˗yö ˗kë ˈˈdhʋ̈ ˈˈyɩɩ ꞊nën˗ ˈsaa˗ ˈgü.