Kele vôm ô ne lañe de

Kele sous-menu

Bengaa be Yéhôva

Bulu

Watch Tower Bible and Tract Society a ne jé?

Watch Tower Bible and Tract Society a ne jé?

Watch Tower Bible and Tract Society of Pennsylvania a ne nda bisaé é nga tééban mbu 1884. Metiñe ya Commonwealth ya Pennsylvanie mme me nga ve Bengaa be Yéhôva ngule ya té nda bisaé éte. A nji bo nda makit. Bengaa be Yéhôva ba belane nda bisaé éte na, ba su’u ésaé nkañete si ése; ésaé nkañete te ja fombô fe nkulane Bekalate Zambe, a bekalate befe.

Mame nda bisaé te ja sôñ ma fombô “ésaé ya ñyebe Bengaa, besikôlô, a mimvolan,” e dañe dañ ma ma lat a “nkañetane mbamba foé ya Éjôé Zambe, ñwô ôte Yésus a ne ntebele.” Asu na môt a bo ébu’a ya nda bisaé éte, ba yiane bañete nye; a nde fa na, sa ke mimveane môt a bo, mmie mia bo na, be kañese môt nda bisaé éte. Bibu’a ya nda bisaé éte bia volô Tin ékôane Bengaa be Yéhôva.

Menda bisaé mevok bia belane me

Ane ô vaa Watch Tower Bible and Tract Society of Pennsylvania, Bengaa be Yéhôva ba belan avale menda bisaé éte mewôm e mesi mesi. Menda bisaé méziñe ya été, me bili biyôlé bi bili bifia bi, “Watch Tower,” nge “Watchtower,” nge ke avale bifia te e too nkôñelane nkobô ya si nda bisaé éte é tele.

Nté ane menda bisaé mete me nga tebe, me volôya ésaé jangan abui mfa’a ya:

  • Ntilan, a nkulane bekalate. Bi kuliya Bekalate Zambe bebé bemillion 220, a bekalate befe ba ye’ele Mejô me Zambe bebé milliard 40, e tañe minkobô bebé 700. Anjeñe mefoé dangan jw.org, da volô bôte na, be lañe Kalate Zambe e nko e zezé tañe minkobô 120 a mvuk. Da volô fe be na, be bi biyalane ya minsili miziñ a ne wu: “Éjôé Zambe é ne jé?”

  • Besikôlô. Bi bili abui besikôlô ba volô bôte na be bi ñyemane ya Kalate Zambe. Bi tame nyoñ éve’an: ataté mbu 1943, Bengaa be Yéhôva e lôte 8000, be nga tabe Sikôlô ya Guiléad. Sikôlô ate a nga volô be na, be bo bemissionaire, na be telé mimfefé menkônda, a na be wônô ésaé nkañete ya si se. Sondô ase, bemillion be bôt, ja’a ba be nji bo Bengaa be Yéhôva, ba nyoñe miñye’elan a zene ya bisulane bia bobane mekônda. Bia ye’ele fe bôte ya minkobô 110 nlañan a ntilan, a zene ya nsoé kalate éziñe bi nga kuli.

  • Mimvolan. Éyoñe bôte béziñe ba tôbane mbia jam, bia ve be biôme bi mo bi ne su’u be—mbia jam ate a wô’ô kui biyoñe biziñ amu mimboone mi mona môt, aval ane mbia mewôé me bôte me nga bobane si ya Rwanda mbu 1994. Biyoñe bivo’o ki, ébubua é ne kui atemetem, aval ane mfô’ôsane si ô nga mane tyame si ya Haïti mbu 2010.

E ne fo’o été na, menda bisaé mangan ma volô bia abui. Ve da, sa ke menda bisaé mete mme me be’e ésaé jangan ja bobane si ése. Kristen ése ébiene ja yiane bo ésaé Yéhôva a nga ve nye; ésaé éte é na, a kañete’e a ye’ele bôte Mejô me Zambe. (Matthieu 24:14; 28:19, 20) Teke bosô, bia yeme na, Yéhôva a su’u ésaé jangan a na, a ye ke ôsu a “yale” ékôane jé—1 Becorinthien 3:6, 7.

NGE WO KOMBÔ YEM ABUI MAM

BEZA BA BO NKÔMBANE YÉHÔVA DEN?

Aval avé Bengaa be Yéhôva ba tili a kôñelane bekalate bap?

Bia kôñelane bekalate minkobô bebé 700. Amu jé bia bo avale ngul ésaé te?