Melu’u ma wulu mvo’é ma ve Yéhôva duma, a ma ve belu’u bebiene nlem avak. (Mc 10:9) Asu na aluk é libii be a soo be mevak, Bekristen ba yiane kôme tôñe melebe ya Bible éyoñ ba tobe môte bé luk.

E ne mvo’é na ô taté na wo fas ajô aluk éyoñ ô “nto ékua mfa’a ya mimbu,” amu minkômbane ya bisôk mi nji dañe beta bo ngul abui. (1Bec 7:36) Kôme’e belan éyoñ ô ne nkoé na ô yemete élate jôé à Yéhôva a tu’a bi mbamba mefulu. Ndemben éyoñ wé luk, mefulu mete mé volô wo na ô yemete nda alu’u jôé.

Ôsusua na wo kañese lu’u môt, kôme’e nyoñ éyoñe ya tu’a yem avale môt a né. (1P 3:4) Nge benya biyebe ba bialé wo nlem, laan a môt mia nye mia kobô ajô aluk. Aval ane da sili asu bilat bise, wo yiane dañe fas mam ô ne ve môte mia nye mia kômbô lu’an, sa ke fo’o ve mam ô ne nyoñ be nye. (Beph 2:3, 4) Nge ô taté na wo tôñ miñye’elane ya Bible ôsusua na wo luk, dé bo tyi’ibi na ô ke ôsu a bo de éyoñ ô lu’uya, a na ô bu’uban mevak nda alu’u jôé.

YENE’E VIDÉO A NE NLÔ AJÔ NA KÔMESA’AN ASU ALUK​—NGAP 3: “FASE’E TAÑ,” MVUSE YA VALÉ YALA’ANE MINSILI MI:

• Aval avé amvôé sita ya vidéo ba Shane é mbe atata’a?

• Mam mevé sita ate a nga yen nté amvôé éte é mbe é kele’ ôsu?

• Aval avé bebiaé bé be nga volô nye, a mbamba ntyi’ane mbé a nga nyoñ?