Kel yada, Élisa nu a yé Mbôgi Yéhôva a bé niiga muda wada Bibel, bôt ba bi lo i yuuga i muda nu, a bé bem bé bo. Ñéga base wada ni nwaa ba bé ba téé ha likôga. Élisa a bi nok bo ba nkal le man wap a nwo.

I ngéda Élisa a bi kal i ñéga base nu bo nwaa le asia inyu nyemb i lok yap, ba bi bôô maéya. I ñéga base nu a bé ñunbak, a bi kal: “Me nok bé lelaa Nyambe a nla nwas le i nya jam ini i pémél me! Lelaa a nla yoñ mpom wem man? Me ngwélél Nyambe hala yé 28 nwii, me ma boñ ngandak mam inyu yé, nano nye nunu a nyék me likanda! Inyuki Nyambe a nol lok yem?”

Élisa a bi toñle i babiina ba le Nyambe a nyoñ bé man wap. A bi pôdôl ki bo mam kiki bo binoñ, bitugne, ni inyuki Nyambe a nwas le biloñge bi bôt bi nok ndutu. I ñéga base nu bo nwaa ba bi kal Élisa le ba bé ba nsoohe inyu i mam ma, jon Nyambe nyen a ngwélél nye inyu timbhe masoohe map.

I sonde i bé noñ ha, i ñéga base nu bo nwaa ba bi lo i nigil Bibel ni Élisa ni i muda nu Élisa a bé niiga. Ba bé munu i pes ini le: “Une espérance réelle pour vos proches qui sont morts,” munu kaat ini ni Pulasi le “Qu’enseigne réellement La Bible? Babiina ba ba bé ba sôñna ndigi hop.

I mbus ngéda, bo iba ba bi ke i likoda li tôbôtôbô li Mbôgi Yéhôva i Tbilisi i Géorgia, i gwéha ni adna ba bi tehe nyoo bi bi lôôha tihba bo. Ba bôdôl bañ jo sañ inyu hôla bôt i bana bilem bi nyoo base yap, ndi njee bo njee!