Ngim bôt i tehe mbasa kiki nyimbne i bikristen gwobisôna. To hala kii bés Mbôgi Yéhôva di yé bikristen, di ngwélél bé mbasa ngéda di mbégés Djob. Inyuki bé?

Njom yada i yé le, Bibel i ñunda le Yésu a bi wo bé i ngii mbasa, ndi i ngii kék i nyañga. A bak ki le, Bibel i mbéhe bikristen ni ngui le ba kee i “bégés bisat gwéé,” hala a ntihba yak i gwélél mbasa inyu bibégés.​—⁠1 Korintô 10:14; 1 Yôhanes 5:​21.

Inyu hala nyen, Yésu a kal le: “Hala nyen bôt bobasôna b’a yi le ni yé banigil bem, ibale ni ngwéhna.” (Yôhanes 13:34, 35) Yésu a bé unda ha le i nya gwéha i sesema inyu bôt bape​—⁠he mbasa tole titii ipe yo ki yo bé⁠—⁠yon i bé lama ba yimbne i bet ba noñ toi nye.