Maada ni Djob
Kiki di mbôk di kal i yigil i bisu, ngandak bôt i nyoñ Bibel kiki kaat i nlôl ni Nyambe. Ba nléba le ngéda ba mbii matiñ ma Bibel i bisélél, ba nkôôge bebee ni Nyambe, yak niñ yap i gwé nseñ.
Bibel i ngwélél ini buk le ‘mut mbuu’ inyu pôdôl libak li mut nu, ni ntén niñ a niñ. (Yuda 18, 19) Maselna ni mut minsôn nu a ntôñ ndigi nyemede, mut mbuu a neebe le Nyambe nyen a éga niñ yé.—Éfésô 5:1.
BOTÑEM
LITIÑ LI BIBEL: “Ibale u ntomb kel ndutu, wee ngui yoñ i yé titigi.”—Bingéngén 24:10.
KII HALA A NKOBLA: Mut a gwé bé botñem a nla tomb kayéle a bana ha bé ngui i jôs mandutu ma niñ. Ndi nu a gwé botñem a nla bana ngui i jôs mo. Hala a nla lédés bés i yi le mandutu di boma ma yé ndigi inyu ngim ngéda; ndi i lisuk li mandutu ma, di ga nok maséé.
YOM U NLA BOÑ: Bok mis moñ ngii mam malam ma mbem we i bilôl. Iloole u tôñ inyu yi lelaa yani a ga ba, tole u bem le mam ma ba kiki u ngwés, boñ biliya gwobisôna inyu yônôs njômbi yoñ. Ndi yi le “mpuhge ngéda” i nla pam. (Ñañal 9:11) Libim li ngéda, mam ma yé ma tagbe loñge iloo kiki di bemek. Jon inyu yigye jam li, Bibel i ngwélél hihéga hi nsal wom ngéda i nkal le: “Nwas mbôô yoñ bikegla, u nôyôs bañ ki to woo woñ bikôkôa; inyule u nyi bé yom y’a too, too ini too ii, too gwobiba gw’a ba loñge.”—Ñañal 11:6.
MANDIMBHE MA MAMBADGA MAKEÑI MA NIÑ
LITIÑ LI BIBEL: “Ti me bañga yi . . . bañga yoñ yosôna i yé maliga.”—Tjémbi 119:144, 160.
KII HALA A NKOBLA: Bibel i ntimbhe mambadga bés bobasôna di mbéna bat. Kiki hihéga, i ntimbhe mambadga kiki bo:
-
Hee di nlôl?
-
Inyuki di niñ?
-
Kii ntagbe mbus nyemb?
-
Baa niñ mut yosôna i hala?
Ikété nkoñ ’isi wonsôna, didun di bôt di bi kônde lémés niñ yap mu kiki ba nwan mandimbhe Bibel i nti inyu mambadga ma, ni mape ki.
YOM U NLA BOÑ: Wemede wan i yom Bibel i niiga. Bat to imbe Mbôgi Yéhôva le i hôla we i nok Bibel. Kee i site yés le jw.org, tole kee i makoda més. Hiki mut a yé kunde i lo makoda més ibabé i saa.
MATIÑ MA BIBEL MAPE
Béñge vidéô i i gwé ño le Inyuki di nlama nigil Bibel? i jw.org. U nla léba yo ikété iloo 880 dilémb
YIMBE LE U GWÉ NGÔÑ I BANA MAADA MALAM NI DJOB.
“Maséé ni bôt ba nyi le mam ma mbuu ma yé bo nseñ.”—MATÉÔ 5:3, MN.
KEE NI BISU I NIGIL I YI NJEE A YÉ DJOB.
“Yéñ Nyambe . . . léba nye . . . A ta bé haa ni hiki wada wés.”—MINSON MI BAÔMA 17:27, MN.
AÑ BIBEL, U SOÑDA KI MAM U NIGIL.
“Maséé mé ma yé i mbén Yéhôva, * a nhoñol ki mbén yé njamuha ni juu. . . . to kinje [jam] a mboñ i ntoo.”—TJÉMBI 1:2, 3.
^ liboñ 23 Bibel i ñunda le jôl li Djob le Yéhôva.
