NIÑ YÉS NI NSON WÉS–KAAT LIKODA LI ÑEM SONDE Biôôm 2016
Dihéga inyu ti bikaat bi sôñ
Mahoñol inyu ti mbamble ni hop pulasi le Réveillez-vous! (Tôde ’ilo!), lipep li nsébla inyu likoda, ni maliga ma Bibel inyu kii i ntagbe ngéda mut a nwo. Gwélél dihéga ti inyu bôt ndémbél yoñ.
MASÔÔ MA NKUS MA BIBEL
“Bôdôl Yéhôva ñem ni ñem woñ wonsôna”
Bingéngén pes 3 nkwés bés nkaa le Yéhôva a ga sayap i botñem di gwééne nye. Kii i nla hôla we i pam i yi too u mbôdôl Yéhôva ñem ni ñem woñ wonsôna?
MASÔÔ MA NKUS MA BIBEL
“U neebe bañ le ñem woñ u tinde we i kôm Djob mbus”
Kaat Bingéngén 7 i ntoñol lelaa ba nyumus mañge wanda kayéle a kwo i béba ngéda ñem wé u bi tinde i tjôô matiñ ma Yéhôva. Kii mahôha mé ma niiga bés?
MASÔÔ MA NKUS MA BIBEL
Pék i nlôôha ba nseñ iloo gôl
Bingéngén 16 i nkal le i nlôôha ba nseñ le di bana pék iloo gôl. Inyuki pék i nlôl ni Djob i nlôôha ba nseñ?
DI NIÑIK KIKI BIKRISTEN
Lelaa u nla ti mandimbhe malam
Ndimbhe lam i yé nseñ inyu likoda ni inyu nwet a nti yo. Mambe mam ndimbhe lam i nlama yônôs?
MASÔÔ MA NKUS MA BIBEL
Yéñ nsañ ni bôt bape
Nsañ ipôla bagwélél ba Yéhôva i ta bé yañga. Di nla gwélél Bañga i Djob inyu jôs hiun ni yéñ nsañ.
MASÔÔ MA NKUS MA BIBEL
“Niiga mañge i njel a nlama nôñôl”
Inyuki ngodol i yé nseñ inyu niiga boñge? Kaat Bingéngén 22 i gwé maéba malam inyu bagwal.
DI NIÑIK KIKI BIKRISTEN
Baa u nyi gwélél lipep inyu yi site yés jw.org?
Gwélél mapep ma hiki ngéda pôla i nene inyu ôt mahoñol ma bôt i ngii Bañga i Djob ni i site yés.
