Yésu a yé Ñane likoda. (Éfésô 5:23) I len ini, Yésu a yé i ngii, ndi inyu éga bagwélél bé ba ba yé hana ’isi, a ngwélél “nkol u maliga ni u pék.” (Añ Matéô 24:45.) Yésu nyen a bi téé “nkol u maliga ni u pék,” a ti wo kunde i éga bés, ndi to hala, ba ngi nyii nkol wé, ni ki le ba ngwélél lôk isañ i Kristô. Njee a yé nkol u maliga ni u pék? Lelaa a ñéga bés?

1. Njee a yé “nkol u maliga ni u pék”?

Ibôdôl behee, Yéhôva a bé a gwélél mut wada, tole ngim ntôñ bôt inyu éga litén jé. (Malaki 2:7; Lôk Héber 1:1) I mbus nyemb Yésu, baôma ni mimañ mi Yérusalem bon ba bé éga likoda. (Minson mi baôma 15:2) Yak i len ini, man juu li mimañ nu ba nsébél le Juu li bakena ntôñ jon li ñéga nson likalô i nkoñ ’isi wonsôna. Nlélém juu u won u yé ki “nkol u maliga ni u pék u [Yésu] a bi téé.” (Matéô 24:45a) I lôk kéé i yosôna i yé mu i Juu li bakena ntôñ i yé minhook, b’a ba ki maséé i niñ ni Yésu nyoo ngii i mbus nyemb yap.

2. Kii i yé bijek bi mbuu nkol u maliga u nti?

Yésu a bi kal le “nkol u maliga ni u pék u bé lama ti [banigil bé] bijek i loñge ngéda.” (Matéô 24:45b) Nlélém kiki bijek bi minsôn bi nhôla bés i bana ngui ni mbôô, hala yak nyen bijek bi mbuu, hala wee biniigana bi nlôl i Lipôdôl li Yéhôva bi nhôla bés i ke ni bisu i gwélél nye ni i gwel nson Yésu a bi yigle bés. (1 Timôtéô 4:6) Di nkôhna bijek bi mbuu bi i makoda, i makoda makeñi yak ni njel bikaat ni bividéô bi bi nhôla bés i tibil nok sômbôl i Djob, ni i hol i pes mbuu.

 KÔNDE TÉM

3. Litén li Yéhôva li nlama ba ntjegek loñge

Ni mahôla ma Yésu, Juu li bakena ntôñ li nke ni bisu i tjek minson mi Mbôgi Yéhôva i nkoñ ’isi wonsôna. Hala nyen mam ma bé bôña i hiai hi bisu. Tuk VIDÉÔ.

Añ 1 Korintô 14:33, 40, i mbus ni kwélél mbadga ini:

• Lelaa minlôñ mi Bibel mini, mi ñéba le Yéhôva a ngwés le litén jé li ba ntjegek?

4. Nkol u maliga ni u pék u ntjek nson u ñañ nlam

Nlélém kiki i hiai hi bisu, nson likalô u yé nson u u nlôôha ba nseñ i len ini. Añ Minson mi baôma 8:14, 25, i mbus ni kwélél mambadga mana:

• Njee a bé éga nson u ñañ nlam i hiai hi bisu?

• I ngéda baôma ba bi ti Pétrô bo Yôhanes biniigana, kii ba bi boñ?

Ikété minson nwomisôna Juu li bakena ntôñ li ntjek, nson likalô u nlôôha ba nseñ. Tuk VIDÉÔ.

 Yésu nyemede a bi kal le nson likalô u nlôôha ba nseñ. Añ Markô 13:10, i mbus ni kwélél mambadga mana:

• Inyuki Juu li bakena ntôñ li nlôôha diihe nson likalô?

• Inyuki “Juu li bakena ntôñ” li nlama tjek nson likalô ni nkoñ ’isi wonsôna?

5. Nkol u maliga ni u pék won u nti biniigana

Juu li bakena ntôñ jon li nti bikristen bi nkoñ ’isi wonsôna biniigana. Kii i nhôla bo i yoñ makidik? Di béñge lelaa Juu li bakena ntôñ li bé yoñ makidik i hiai hi bisu. Añ Minson mi baôma 15:1, 2, i mbus ni kwélél mambadga mana:

• Kii i bi lona ngimanôgla ipôla bikristen bi hiai hi bisu?

• Paul, Barnabas, ni bana bape ba bi ke i tehe njee inyu kôhna mahôla?

Añ Minson mi baôma 15:12-18, 23-29, i mbus ni kwélél mbadga ini:

• Inyu yoñ makidik malam, kii Juu li bakena ntôñ li bi boñ?—Béñge minlôñ 12, 15, ni 28.

Añ Minson mi baôma 15:30, 31 ni 16:4, 5, i mbus ni kwélél mambadga mana:

• Lelaa bikristen bi hiai hi bisu bi bi leege makidik ma Juu li bakena ntôñ?

• Lelaa Yéhôva a bi sayap bo?

Añ 2 Timôtéô 3:16 ni Yakôbô 1:5, i mbus ni kwélél mbadga ini:

• Yak i len ini, kii i nhôla Juu li bakena ntôñ i yoñ makidik?

 I SEM KWEP

Yésu nyen a bi téé Juu li bakena ntôñ, u ba nsébél ki le “nkol u maliga ni u pék.” Won u nti bikristen bi nkoñ ’isi wonsôna bijek bi mbuu ni biniigana.

Mambadga ma mbigda

• Njee a bi téé “nkol u maliga ni u pék”?

• Lelaa “nkol u maliga ni u pék” u nyoñ ndun ni bés?

• Baa u neebe le Juu li bakena ntôñ jon li yé ki “nkol u maliga ni u pék”?