CANCIÓN 5
Diosan musparkañ luratanakapa
-
1. Jehová, jumaw sartatajatsa
iktʼatajats wali sum yatistajj.
Chuyma manqhan lupʼitanakajatsa,
arsutajats, luratajats yatiraktaw.
Jumaw lurasiwayistajja,
qalltäwijajj wali musparkañaw.
Nän cuerpojats jumajj yatjjayätawa.
Wali chʼamanïtaw, ukat jachʼañchansmajj.
Yatiñamajj musparkañapuniwa,
uk chuymajajj wali sum amuyejj.
Jumjam Diosajj janiw yaqhajj utjkiti,
jumatakejj taqe kunas qhanaw.
Janipuniw kawkiwjarusa
jumat, Jehová, imantaskiristti.
Alajjpachans, chʼamak cheqanakansa,
Sepulturans jumajj, Dios, jikjjatitasmaw.
(Uñjjattʼarakismawa Sal. 66:3; 94:19; Jer. 17:10.)