¿Jiwatanakajj jaktanipjjpachäniti?
¿Kamsasmasa?
-
Jïsa.
-
Janiwa.
-
Inas jaktanipjjchini.
¿KUNSA BIBLIAJJ YATICHI?
‘Jiwatanakajj jaktanipjjapuniniwa’ (Hechos 24:15, Machaq Mundon Jakirinakataki).
¿KUNJAMSA UK YATIÑAJJ YANAPTʼÄTAM?
Familiamat maynejj jiwani ukhajja, Diosaw chuymachtʼätam (2 Corintios 1:3, 4).
Janiw jiwañarojj ajjsarjjätati (Hebreos 2:15).
Jiwatäpki uka familiaranakajajj jaktanipjjaniwa sasaw taqe chuyma confiyäta (Juan 5:28, 29).
¿KUNTÏ BIBLIAJJ YATICHKI UKAJJ CHEQAW SISSNATI?
Jïsa, uk kimsa toqet uñjañäni:
-
Diosaw jakañ churirejja. Jehová Diosaw ‘jakañ vida churirejja’ sasaw Bibliajj qhanañchi (Salmo 36:9; Hechos 17:24, 25). Niyakejjay jupajj taqenir jakañ churañatakejj chʼamanïchejja, jiwatanakar jaktayañatakejj chʼamanirakiwa.
-
Diosajj mä qhawqhaniruw jaktayäna. Wasitat jakapjjañapatakejja, kimsaqallqo jaqenakaw jaktayatäpjjäna sasaw Bibliajj qhanañchi. Uka taypinjja, chachanaka, warminakaw utjäna, kunayman maranïpjjarakïnwa. Yaqhepanakajj ukhakiw jiwapjjäna, ukampis mä chachajj pusi uruw jiwatäjjäna (Juan 11:39-44).
-
Diosajj jiwatanakar wal jaktayañ muni. Jehová Diosajj jiwañar uñisiwa, mä enemigorjamaw uñjaraki (1 Corintios 15:26). Diosajj jiwatanakar jaktayasaw jiwañar atipjani. Jiwatanakajj wasitat aka oraqen jakasipjjaspa ukwa jupajj muni (Job 14:14, 15).
LUPʼIÑATAKI
¿Kunatsa chuymankipstasin jiwtanjja?
Bibliankir aka textonakaw uka jisktʼar qhanañchi: GÉNESIS 3:17-19 ukat ROMANOS 5:12.
Akanakajj inas gustarakiristam
ESSENTIAL BIBLE TEACHINGS
¿Jiwatanakajj jaktanipjjaspati?
Kunjamtï Lázaro chachajj jaktkäna ukhamarakiw walja jiwatanakajj jaktanipjjani sasaw Bibliajj yatichi.
YATIYAÑATAKI
Jiwatanakajj jaktapjjaniwa ¿kunatsa ukajj cheqapunïniw sissna?
Bibliaw kunatsa jiwatanakajj jaktapjjaniwa sasin confiysna uk pä toqet qhanañchi.
NANAKJJATA
¿Kunatsa Bibliat yatjjatañama?
Bibliajj walja jaqenakan jisktʼanakaparuw qhanañchawayi, ¿jumajj ukanak yatiñ munarakismati?
