IBEBENE UKPATU
INU NKWEEN̄ 4
Isisiki Lek
Onineen̄ Baibul: “Ìkisiki lek kinyi me ijọn̄, mè ìkimọnọ ebi ofifi ife kubọk ebi ìnwọnwọn igak enyi.”—Filip 2:3.
Inu Pọọlu Orọbe
1. Kpọ FIDIO yi, mè iyaka ire fuk Ikwaan̄ 26:2, 3. Mè fọọk idodo chi ogọgọọk:
-
Ike owa ke Pọọlu osa ijeen̄ nsikilek me ubọk isabe itumu usem inyi Ogwu Ubọọn̄ Agiripa?
-
Ike owa ke Pọọlu osa itaba ulọk kan̄ ifo lek Jioba mè Ikpa Mbuban kpan̄asi lek kan̄?—Kpọ Ikwaan̄ 26:22.
Keke Ke Eji Ekween̄ Inan̄a Me Lek Pọọlu?
2. Etip kiji ikitop igbagban̄ mgbọ geelek eji esikitumu melek nsikilek mè ulibi.
Gọọk Akpat Ukot Pọọlu
3. Kakikpọ ene isiki chieen̄. Jit ikekirọ kubọk owu gaalek oriọọn̄ otutuuk inu, kubọk ogwu okigban̄ owu ikariọọn̄ inu geege. Kitumu usem melek kan̄ me oniin̄ okijeen̄ ulibi.
4. Rọ inyi isibi utoon̄ ibe ke atikọ okitumu inan̄a me emen Baibul. Usem Awaji mokọt ikaan̄ mgbaan̄ me lek ubọk ebi ene ekikeek mkpọ. Eji esisa usem cha irọ mkpọ, eji ekinama ichechieek kiban̄ me inyọn̄ ata ijọn̄ onwọnwọn.
5. Kup dii. Kakpọkpọ ikup inye ikiweek ijejeen̄ ibe ke inu okitumu itat. Eji kpeweek igọgọọk ebi ene igbini ikọ unye unye. Jeen̄ nsikilek sa me ikukup dii mè riọọn̄ mgbọ oboje inan̄a. (Urọk 17:14; Taitọs 3:2) Ire osa me ejit osisiki ifọọk ene ya otu, mokọt ichili oniin̄ ibook ibe oyaka ogọọk ọmọ okaan̄ ata ukpatu me mgbọ okinu me isi.
