‘Warweyu lembanyong’a!’
Coko ma dit mir adhura mi Jumulembe pa Yehova, 2024
Mondo tie mananu • Bolo thier umbe
Lembe ma dongo dongo m’i program
Ceng’ kas’abic: Wabineno gin m’unyutho nia lembanyong’a mir Injili m’uweco pi Yesu utie lemandha man m’utimere de andha i kwo pa Yesu. Wabiwinjo bende ayi ma lembe maeno m’i Biblia utie ko ku kony iwa tin.
Ceng’ soko: Lembila ma kanigi m’ular uweco pi nyoliri pa Yesu man kinde m’enyathini? Nyo lembilane gipong’o andha?
Ceng’ yenga: Korolembe m’ujengere iwi Biblia ma thiwiye tie “Gin m’uketho walworo ngo rwonglembe ma rac,” binyutho iwa thelembe m’uketho dhanu milioni dupa tin gibedo ma cwinygi tek, kadok lembe ubedoko rac i ng’om nisagu de.
Dram
Lembanyong’a pa Yesu: Thenge mi 1
Der mandha iwi ng’om
Udu m’utimere kinde ma junyolo Yesu, ubino udu ma segi kud i kind lembe dupa ma dongo m’utimere saa ma fodi ebino nyathin. Kinde m’ubimo moko umito nege, junyodo pare giting’e giringo kude i Misiri. I ng’eye, lembe m’etimo ma fodi enyanok uwang’u i juponji ma dongo mi rundi pare. Nen lembenegi ku mange bende i dram ma bibedo ku thenge ario ma jubineno kas’abic ku ceng’ soko.
Nen video m’uweco pi coko ma dit mir adhura mi oro maeni
Lembang’o ma kadhu i Coko ma dit mir adhura?
Nen lembe m’ubekurawa i Coko ma dit mir adhura mi Jumulembe pa Yehova.
Coko ma dit mir adhura mi Jumulembe pa Yehova, 2024: ‘Warweyu lembanyong’a!’
Bol weng’i inen lembe ma wabiponjo i coko maeno.
Abila mi Dram: Lembanyong’a pa Yesu
Dhanu dupa ung’eyo pir udu m’utimere saa ma junyolo iye Yesu. Nyo ing’eyo lembe mange m’utimere i wang’ udu maeno man i ng’eye?