KRISTOFOHI A SI HIMI KƐ A SƆMƆMI NÍ TSUMI Ɔ–NÍ KASEMI WOMI September 2016
Womi Hami He Munyuhi
Bɔ nɛ waa kɛ Hwɔɔmi Mɔ ɔ ma ha nihi ha kɛ Baiblo mi anɔkuale nɛ maa nɔ mi kaa Mawu susuɔ wa he. Moo hyɛ nɔ́ nɛ a ngma a nɔ kɛ dla mo nitsɛ o fiɛɛmi munyu.
JUETLI NƐ NGƐ MAWU MUNYU Ɔ MI
“Moo Ba O Je Mi Ngɛ Yehowa Mlaa a Nya”
Ke a ke waa ba wa je mi ngɛ Yehowa mlaa a nya a mɛni lɔ ɔ tsɔɔ? Nɔ nɛ ngma La 119 ɔ pee nɔ hyɛmi nɔ́ kpakpa nɛ wa ma nyɛ maa kase mwɔnɛ ɔ.
KRISTOFOHI A SI HIMI
Ke O Si Sinya Nɛ Nɔ Nɛ Je Kpo ɔ Ji Jokuɛ
Bɔ nɛ wa maa pee wa ní ha kɛ tsɔɔ kaa wa buɔ jokuɛ ko e fɔli.
JUETLI NƐ NGƐ MAWU MUNYU Ɔ MI
‘Yehowa Ji Nɔ Nɛ Piɛɔ Ye He’
La 121 ɔ ngɔ bɔ nɛ Yehowa buɔ e we bi a he ha a kɛ to níhi a he.
JUETLI NƐ NGƐ MAWU MUNYU Ɔ MI
Bɔ Nɛ Yehowa Plɛ Kɛ Bɔ Wɔ ɔ Ngɛ Nyakpɛ
Ngɛ La 139 mi ɔ, David je Yehowa yi ejakaa e nibɔ níhi ngɛ nyakpɛ.
KRISTOFOHI A SI HIMI
Níhi Nɛ E Sɛ Kaa O Pee Ke O Kɛ Nɔ Ko Ngɛ Baiblo ɔ Kasee
Ke wa suɔ nɛ nɔ́ nɛ wa ngɛ Baiblo mi ní kaselɔ ko tsɔɔe ɔ nɛ sɛ e tsui mi ɔ, mɛni nɛ e sɛ nɛ waa pee?
JUETLI NƐ NGƐ MAWU MUNYU Ɔ MI
‘Yehowa Kle, Nɛ E Sa Kaa A Je E Yi Wawɛɛ Nitsɛ’
La 145 ha nɛ wa na kaa David bua jɔ bɔ nɛ Yehowa susuɔ e sɔmɔli nɛ a yeɔ lɛ anɔkuale ɔ he.
KRISTOFOHI A SI HIMI
Wa He Nɛ Maa Be Ngɛ Fiɛɛmi Ní Tsumi ɔ Mi
Ke nihi nɛ a ngɛ munyu ɔ he bua jɔmi kɛ Baiblo kaseli bɔni asafo mi kpehi yami ɔ, a yaa hɛmi mlamlaamla.
