Ngec bot Lunyodo

Mic mene maber loyo ma itwero miyo bot lutinoni? Tye jami mapol ma gimito ki boti, calo mar, tira, ki gwok maber. Ento, mic ma pire tek loyo ma itwero miyogi aye ngec i kom Jehovah ki lok ada ma tye i Lokke, Baibul. (Jon 17:3) Ngec ma kit meno twero konyo lutinoni me dongo mar pi Jehovah ki me tic pire ki cwinygi ducu, cakke ma pud gitino.​—Matayo 21:16.

Lunyodo mapol guniang ni lutino matino ginongo adwogi maber ki i pwony macego cego ki jami me atima. Pi meno, cwinywa yom me yubo buk man ma wiye tye ni, Pwonya me Baibul. Pwony acel acel kiyubo me pwonyogi i yo ma niang iye yot. Cal kacel ki coc ma kiketogi-ni kiyubo tutwalle pi lutino me mwaka adek dwogo kwede piny. Kimiyo bene tam i kom jami me atima. Pwonya me Baibul pe obedo toyi me tuko pa lutino. Me ka meno, kiyubo ni ikwan kacel ki lutinoni, wek onyeb lok i kinwu.

Wageno ni buk man bikonyowu ki pwonyo lutinowu ki lok ada me Baibul ‘cakke i tinogi.’​—2 Temceo 3:14, 15.

Wan utmegiwu,

Lukiko Madit pa Lucaden pa Jehovah

[Cal ma tye i pot karatac 3]