Revistas Guiich ni caniʼ né ¡Nanísi goyoʼ!
Revista xtunydo rareʼni ló la Biblia né ma noʼni par labúu guilitlo láani ló xidal gayoʼ diitz ni raniʼ buñ né láaca ma noʼni ló diitz gop. Revista Guiich ni caniʼ raslooyni lóono par tzoʼno naní de guirá cós ni cayac ló gudxliogoxreʼ, xomod ná la Biblia. Diitz sacró ni raniʼ de Gobierno xtuny Dios ni sitné revista reʼ racnéni buñ né rony animarni lóono par gapno fe lóo Jesucristo. Ló Revista ¡Nanísi goyoʼ! raslooy ximod guicalóno galnagan, né racnéni lóono par gapno confianz que Jehová saduʼdy toib Gudxlio móz ro guibanyno goxt.
