Rioladxi goni xchiinlo (Canción xtuny samblia íz 2025)
Bilit:
1. Desde lainy guibá bieen xirudxlo
dzú Jesús bireʼ lainy Jordán.
Ná Buñdzab biyopy mod nachébu,
guirá ór bisobbu looy.
Goniiny láabu gonybu ni nálo.
Nigolú gondxiʼbu looy.
Naʼ sasuʼya mod ni bibanybu,
né gandxiʼya looy Jehová.
(ESTRIBILLO)
Rioladxi goni xchiinlo Dios.
Raduʼdi xfuersa looy Jehová.
Ronladxi looy, rasoba looy.
Ndeʼ ragoʼ nakitni naʼ.
Rioladxi goni xchiinlo Dios.
Raduʼdi xcalnadipa looy.
Nadxiʼlo naʼ, ronladxlo naʼ.
Sonyxiroʼya looy Jehová,
guirási ór.
2. Dzú bimbuya looy bibaladxi,
né bidzela galnigolú.
Naʼ saniya: ¡Naca Testigo!
Soni xchiinlo cueʼ herman.
Saabi buñ balaati natzaaylo,
né que looy ralaalo buñ.
Naʼ sanéya laalo Jehová Dios,
nigolú rioladxi ngú.
(ESTRIBILLO)
Rioladxi goni xchiinlo Dios.
Raduʼdi xfuersa looy Jehová.
Ronladxi looy, rasoba looy.
Ndeʼ ragoʼ nakitni naʼ.
Rioladxi goni xchiinlo Dios.
Raduʼdi xcalnadipa looy.
Nadxiʼlo naʼ, ronladxlo naʼ.
Sonyxiroʼya looy Jehová,
guirási ór.
¡Sasoba looy Jehová!
(Láaca bibiʼ Sal. 40:3, 10).
Sigory láaca sioladxlo ndeʼ
DE LÓODO
Samblia de tzón govitz ni rap testigos xtuny Jehová
Raruʼdo looy guieedlo guidoplo né lóodo ló samblia ni ronydo guirá íz. Labúu tzoʼlo scásiʼ
