Rago Sa Sunge wiso, rogo Tanvuo 10, 2022, Russia abafu kikindigi abundu kurogo agu abagbata nga ga Ukraine tipa ka irabape gupai Ukraine amangihe aˈuru ue kusayo ka kuo gu gayo bangua paga nga gu ninakoda Crimea na Russia. Agi apai re amangi ngbutuko tingbafuo bete aboro birĩ zogarago serekpohe ya Aramegido ima rengba ka manga.

•   “Ani aaberãnga pa Aramegido te tona ti gu regbo kpakarapai nga ga mangasunge na kere kikindigi abundu amangi bangbanda gu [Bazongo Nga ga Amerika ko nangia John F.] Kennedy na Cuba. . . . Mi aberãnga ha nga i rengbe ka mangasunge na kere bombu [nuclear weapon] zanga si digi na ye na Aramegido te.”—Bazogo Nga ga Amerika Joe Biden, Tanvuo 6, 2022.

•   “Mi ima ida kuti gupai nga Aramegido du, na si nga kerepai fu kpotosende dunduko.”—Sangba gu Bazogo Nga ga Ukraine nga Volodymyr Zelensky, ho i asana ko ni rogo apangbanga nga ga BBC tipa sangbana mangasunge na kere abombu. Tanvuo 8, 2022.

 Ya mo pa mangasunge na kere abambu nika ye na Aramegido? Ginipai Baibiri Ayugoho?

 Oó. Gu fugo nga “Aramagedo” kuru bara sa gbua rogo Baibiri yo rogo Yugoti 16:16. Si afuranga tipa gu vura du dagba aringara te, ono si nafura tipa gu vura du dagba Mbori na “abakindo zegino dunduko.” (Yugoti 16:14) Mbori nika mangasunge na gu vura nga Aramegido ka digiso gu zogarago nga ga aboro.—Daniere 2:44.

 Tipa ka ino kura apai tipa gupai Aramegido nika mangaha tipa zegino, mo gedi gu kekeapai nga Gine Nga gu Vura Nga Aramegido?

 Oó. Ka si vura du nga agu abazogo nga wiri aboro rengbe ka mangasunge kumbatayo na kere abombu, Mbori ambunga gene fuyo i gbarasi kpotosende te. Baibiri naya:

•   “Kpotosende nye anye kindi.”—Batungusipai 1:4.

•   “Ruru aboro adía kumbo ringara, ki nye anye kindi.”—Atambuahe 37:29.

 Ono tie, Gu sangbanebi nga ga Baibiri na agu apai namanga awere nayugo gupai nga bakere ariapai nika manga rogo zegino barambeda. (Matayo 24:3-7; 2 Timoteo 3:1-5) Mo bi gupai Baibiri agumbaha tipa kumbatayo vurube gaani wisigo Baibiri na aboro du gbua zanga tumo tipaha.